Gold: સોનાના ઘરેણાં પહેરવામાં ક્યો દેશ આગળ, ભારત કેટલામાં નંબર પર તે જાણો
સોનાના દાગીનામાં વિશ્વમાં પ્રથમ ક્રમે ક્યો દેશ છે તેના વિશે જાણશું. ક્યા દેશના લોકો વધારે સોનું પહેરે છે? ચાલો જાણીએ કે કયા દેશો પહેલા-બીજા અને ત્રીજા સ્થાને છે.
છેલ્લા કેટલાક દાયકાઓથી ભારત સોનાની માગમાં સતત મુખ્ય ખેલાડી રહ્યું છે, પરંતુ 2024માં તે ચીનને પાછળ છોડીને દાગીનાના વપરાશમાં ટોપ પર રહ્યો છે. આ જ સમયગાળા દરમિયાન ચીનનો વપરાશ આશરે 479.3 ટન હતો.
યુનાઇટેડ સ્ટેટ્સ ત્રીજા સ્થાને છે, જ્યાં સોનાના દાગીનાનો વપરાશ નોંધપાત્ર હતો. અહેવાલો અનુસાર અમેરિકન ખરીદદારો ફેશન, રોકાણ અને ભેટ માટે સોનામાં રસ ધરાવે છે, જેનો વાર્ષિક વપરાશ આશરે 132 ટન સુધી પહોંચે છે.
સોનાની માગમાં આ ફેરફાર ફક્ત સાંસ્કૃતિક વલણોનું જ નહીં, પણ આર્થિક અને રોકાણ પ્રેરણાઓનું પણ પરિણામ છે. ભારતમાં, લગ્નો અને તહેવારો દરમિયાન સોનાની માગ પહેલા કરતા વધુ વધે છે. સોનાના ઊંચા ભાવ, ઓછી આયાત જકાત અને રોકાણની માગને કારણે તાજેતરના વર્ષોમાં સોનાની ખરીદી પણ વધી છે.
જોકે ચીનમાં આર્થિક પડકારો અને બદલાતા ગ્રાહક વર્તન સોનાના દાગીનાની માગ પર અસર કરી રહ્યા છે. અહેવાલો એ પણ સૂચવે છે કે ચીની ગ્રાહકો હવે પરંપરાગત દાગીનાને બદલે બાર, સિક્કા અને અન્ય રોકાણ ઉત્પાદનો તરફ વળ્યા છે.
ગોલ્ડ કાઉન્સિલના અહેવાલ મુજબ, દાગીનાના વપરાશમાં વધારો થવા છતાં સોનાને હજુ પણ સલામત રોકાણ વિકલ્પ માનવામાં આવે છે, ખાસ કરીને આર્થિક અસ્થિરતાનો અનુભવ કરતા દેશોમાં.
