લો બોલો, સરકાર બદલાઈ ત્યારે ખબર પડી કે રેલવે તો કોન્ટ્રાક્ટ પર ચલાવાતી હતી
બાંગ્લાદેશના રેલવે મંત્રાલયે કરાર પર ચાલતી 24 ટ્રેનો રદ કરી છે. બાંગ્લાદેશમાં ખાનગી કંપનીઓ કેટલીક ટ્રેનો ચલાવી રહી છે, જેને શેખ હસીના સરકાર દરમિયાન કોન્ટ્રાક્ટ મળ્યો હતો. હવે નવી સરકારના શાસનમાં આ કંપનીઓ પર દોષનો ટોપલો ઢોળવા લાગ્યો છે.
બાંગ્લાદેશની વર્તમાન સરકાર શેખ હસીનાના કાર્યકાળ દરમિયાન થયેલા ભ્રષ્ટાચારને નાબૂદ કરવામાં વ્યસ્ત છે. યુનુસ સરકારે હસીનાના જમાનામાં લીધેલા ઘણા નિર્ણયો બદલ્યા છે અને ઘણા વધુ બદલવાની તૈયારી કરી રહી છે. હવે સરકારે બાંગ્લાદેશની રેલવેને સુધારવા માટે પગલાં લેવાનું શરૂ કર્યું છે.
બાંગ્લાદેશના રેલવે મંત્રાલયે કોન્ટ્રાક્ટ પર ચાલતી 24 ટ્રેનો રદ કરી છે. આનું સંચાલન કરતી કંપનીઓ પર કરારના નિયમોનું ઉલ્લંઘન કરવાનો આરોપ છે. 3 નવેમ્બરના રોજ લખેલા પત્રમાં મંત્રાલયે બાંગ્લાદેશ રેલ્વે (BR) ના ડિરેક્ટરને કંપનીઓને જાણ કરવા કહ્યું કે આ વર્ષે 31 ડિસેમ્બરથી તેમના કોન્ટ્રાક્ટ રદ કરવામાં આવશે.
બાંગ્લાદેશ સરકારે કેટલીક ટ્રેનોનું સંચાલન ખાનગી કંપનીઓને જાળવણી અને ટ્રેનોને સરળતાથી ચલાવવા માટે આપ્યું હતું. ધ ડેઇલી સ્ટારના તાજેતરના અહેવાલ મુજબ, ખાનગી ઓપરેટરો દ્વારા 37 ટ્રેનો ચલાવવામાં આવી રહી છે, જેમાંથી મોટાભાગની ચાર કંપનીઓની માલિકી છે - એલઆર ટ્રેડિંગ, ટીએમ ટ્રેડિંગ, એસઆર ટ્રેડિંગ અને એનએલ ટ્રેડિંગ, જે રિપન અને તેના પરિવારની માલિકીની છે. .
આ કંપનીઓ જે હેતુ માટે ટ્રેનને લીઝ પર આપવામાં આવી હતી તેને પૂર્ણ કરવામાં નિષ્ફળ રહી છે. કંપનીઓ પર નાગરિકોને સારી મુસાફરી અને સુરક્ષા ન આપવાનો તેમજ ભ્રષ્ટાચારના અનેક આરોપો છે. શરૂઆતમાં, આ કંપનીઓને 4 વર્ષ માટે ટ્રેન ચલાવવાનો કોન્ટ્રાક્ટ આપવામાં આવ્યો હતો, પરંતુ આ કંપનીઓ એક દાયકા કરતાં વધુ સમયથી તેનું સંચાલન કરી રહી છે.
આ કંપનીઓના માલિક સલાહુદ્દીન રિપન કથિત રીતે અવામી લીગ સાથે સંકળાયેલા હોવાનું માનવામાં આવે છે. અહેવાલો અનુસાર, અગાઉની સરકારમાં, રિપને કેટલાક સરકારી મંત્રીઓ અને અપ્રમાણિક બીઆર અધિકારીઓને લાંચ આપીને કોન્ટ્રાક્ટ મેળવ્યો હતો.