Post Mortem રિપોર્ટમાં શું લખેલું હોય છે, તે કેવી રીતે શરુ થયું? જાણો કેવી રીતે ખુલે છે મોતના રહસ્યો
What is Post Mortem : કોઈપણ અસામાન્ય મૃત્યુમાં પોસ્ટ મોર્ટમ રિપોર્ટ ખૂબ જ મહત્વપૂર્ણ છે. કારણ કે આ રિપોર્ટ દ્વારા જ મોતનું ચોક્કસ કારણ જાણી શકાશે. જાણો કેવી રીતે શરૂ થયું પોસ્ટમોર્ટમ. કોલકાતાની આરજી કર હોસ્પિટલમાં જુનિયર ડોક્ટર સાથે રેપને હત્યા કેસમાં તપાસ ચાલુ છે. આ દરમિયાન પોસ્ટ મોર્ટમ રિપોર્ટ્સને લઈને સોશિયલ મીડિયા પર ઘણા ભ્રામક દાવા કરવામાં આવી રહ્યા છે. પરંતુ શું તમે જાણો છો કે પોસ્ટમોર્ટમ શું છે અને તેમાં કેવા પ્રકારની માહિતી બહાર આવે છે?
Type of post mortem? : પોસ્ટમોર્ટમને સરળ શબ્દોમાં સમજાવતાં ફોરેન્સિક નિષ્ણાત ડૉ.આકૃતિ કહે છે કે જો કોઈનું મૃત્યુ અસામાન્ય રીતે થાય છે તો તે સ્થિતિમાં પોસ્ટમોર્ટમ કરવામાં આવે છે. જો મૃત્યુનું કારણ જાણવું હોય, મૃતદેહની ઓળખ કરવી હોય, મૃત્યુનો ચોક્કસ સમય જાણવો હોય, તો પોસ્ટમોર્ટમ કરવું પડે. કેટલીકવાર મૃત શરીર સડી જાય છે, તે કિસ્સામાં પણ પોસ્ટમોર્ટમ મૃત્યુનો ચોક્કસ સમય કહી શકે છે.
પોસ્ટ મોર્ટમ બે પ્રકારના હોય છે. મેડિકો લીગલ પોસ્ટ મોર્ટમ કરવામાં આવે છે. જ્યાં પોલીસ અથવા મેજિસ્ટ્રેટના આદેશ પર જ શબપરીક્ષણ કરવામાં આવે છે. તમામ શંકાસ્પદ મૃત્યુમાં અથવા જ્યાં પોલીસને શંકા હોય ત્યાં તબીબી-કાનૂની પોસ્ટમોર્ટમ કરવામાં આવે છે. જ્યારે ક્લિનિકલ અથવા હોસ્પિટલ પોસ્ટમોર્ટમ રિસર્ચ હેતુઓ માટે કરવામાં આવે છે. જ્યારે કોઈ પણ પ્રકારનું રિસર્ચ કરવું હોય, ત્યારે ક્લિનિકલ પોસ્ટમોર્ટમ કરવામાં આવે છે. આમાં મૃતકના સંબંધીઓની સંમતિ જરૂરી છે.
Post mortem report : વિવિધ રાજ્યોમાં પોસ્ટમોર્ટમને લગતા અલગ-અલગ નિયમો છે. ગયા વર્ષે પંજાબ અને હરિયાણાને લઈને કોર્ટે સ્પષ્ટ નિર્દેશો આપ્યા હતા કે પોસ્ટ મોર્ટમ રિપોર્ટ 24 કલાકમાં આપવો પડશે. આમાં કોઈ વિલંબ થઈ શકે નહીં. તેમજ એક પ્રશ્ન એ ઊભો થાય છે કે શું પોસ્ટમોર્ટમમાં પણ કોઈ શરુઆતનો રિપોર્ટ હોય કે પછીથી ડિટેલમાં રિપોર્ટ આપવામાં આવે છે?
તમને જણાવી દઈએ કે પોસ્ટમોર્ટમમાં પ્રારંભિક રિપોર્ટ જેવું કંઈ નથી. પોસ્ટ મોર્ટમ એક મેડિકલ લીગલ ડોક્યુમેન્ટ્સ છે. તે એક વિશાળ પુરાવો છે. તમારે તાત્કાલિક આની જાણ કરવી પડશે. આમાં તમે ચાર-પાંચ દિવસનું કોઈ અંતર છોડી શકતા નથી.
