Health Tips : શું હેલ્મેટ પહેરવાથી વાળ ખરવા લાગે છે ? જાણો વાળની સંભાળ કેવી રીતે રાખવી
બાઇક ડ્રાઇવિંગ કરતી વખતે હેલ્મેટ પહેરવું જરૂરી હોય છે. તે આપણા સેફ્ટી માટે હોય છે. પરંતુ ઘણા લોકોના મનમાં પ્રશ્ન રહે છે કે શું હેલ્મેટ પહેરવાથી વાળ ખરવા લાગે છે? કેટલાક લોકોને એવું લાગે છે કે સતત હેલ્મેટ પહેરવાના કારણે વાળ નબળા પડી શકે છે.
બાઈક અથવા સ્કૂટર ચલાવતી વખતે હેલ્મેટ પહેરવું જરૂરી છે. પરંતુ જો સાવચેતી રાખવામાં નહીં આવે તો તેની નકારાત્મક અસર વાળ પર દેખાઈ શકે છે.
પુરુષોમાં વાળ ખરવાનું કારણ એન્ડ્રોજેનિક એલોપેસિયા હોય છે. જે વિવિધ હોર્મોનલ ફેરફારોને કારણે થાય છે. નિષ્ણાતોના મુજબ, માથા પર કંઈક પહેરવાથી તમારા વાળના ફોલિકલ્સના ડીએનએમાં કોઈ ફેરફાર થતો નથી.
હેલ્મેટ પહેરવાથી તમારા વાળ નબળા પડી શકે છે અને જો તમે તેને ખોટી રીતે પહેરો છો તો તેનાથી વાળ ખરવાનું જોખમ પણ વધી શકે છે. તેથી યોગ્ય રીતે તેનો ઉપયોગ કરવો જોઈએ.
ટાઇટ અથવા ઢીલું હેલ્મેટ પહેરવાનું ટાળો. યોગ્ય ફિટિંગવાળું હેલ્મેટ માથા પર દબાણ આવવા દેતું નથી.
હેલ્મેટ પહેરતા પહેલાં માથા પર કપડું અથવા કોટન કેપ બાંધવું જોઈએ. તેનાથી માથા પરનો પરસેવો શોષાઈ જાય છે અને વાળ તથા હેલ્મેટ વચ્ચે સ્વચ્છતા જળવાઈ રહે છે.
હેલ્મેટના અંદરના પેડને સમયાંતરે સાફ કરવું જોઈએ. ગંદકી અને પરસેવાના કારણે ચેપ થવાની શક્યતા વધી જાય છે. ભીના વાળમાં હેલ્મેટ પહેરવાથી ફંગલ ઇન્ફેક્શનની સમસ્યા વધી શકે છે.
હેલ્મેટ પહેરવું તમારી સેફ્ટી માટે જરૂરી છે. હેલ્મેટ પહેરવાથી વાળ ખરતા નથી. જોકે હેલ્મેટની સ્વચ્છતા, યોગ્ય સાઇઝ અને વાળની સંભાળ રાખવામાં ન આવે તો વાળ ખરી શકે છે.
નોંધ: અહીં, પૂરી પાડવામાં આવેલી વિગતો માત્ર રિપોર્ટ્સ મુજબ આધારિત છે. TV9 ગુજરાતી કોઈપણ પ્રકારની માહિતીને સમર્થન આપતું નથી.
