Vastu Dosh : તમારા ઘરનું રસોડુ બનશે વાસ્તુ દોષનું કારણ, આ ભૂલ ન કરતાં
રસોડું ઘરનું ઉર્જા કેન્દ્ર છે. કેટલી ક એવી ભૂલ છે જે ઘરમાં વાસ્તુદોષ લાવે છે. જેના કારણે ઘરમાં નકારાત્મક ઉર્જા ફેલાય છે, જે સ્વાસ્થ્ય, સંપત્તિ અને સંબંધોને અસર કરે છે.
વાસ્તુ અનુસાર, રસોડું આપણા ઘરમાં ઉર્જાનું એક મહત્વપૂર્ણ કેન્દ્ર છે. જો આ જગ્યા સ્વચ્છ અને વ્યવસ્થિત ન હોય, તો તે પરિવારના સભ્યોના સ્વાસ્થ્ય, સંપત્તિ અને સંબંધો પર સીધી અસર કરે છે.
ગંદા વાસણો રાતોરાત અથવા લાંબા સમય સુધી સિંકમાં પડેલા રાખવાથી નકારાત્મક ઉર્જા આકર્ષાય છે. જેના કારણે ઘરમાં ધન અને સમૃદ્ધિનો અભાવ થઈ શકે છે.
રસોડામાં તૂટેલા કે ફાટેલા વાસણો રાખવા ખૂબ જ અશુભ માનવામાં આવે છે. તેનાથી ઘરમાં નકારાત્મક ઉર્જાનો સંચાર થાય છે અને નાણાકીય સ્થિરતા પર અસર પડે છે. આવા વાસણો તાત્કાલિક દૂર કરવા જોઈએ.
રસોડાની દિવાલો પર કરોળિયાના જાળા ઘરમાં ગરીબી અને દુર્ભાગ્યને આમંત્રણ આપે છે. તે રાહુનો પ્રભાવ વધારે છે, જે માનસિક તણાવ અને સ્વાસ્થ્ય સમસ્યાઓનું કારણ બની શકે છે.
જો 'અગ્નિ દેવ'નું પ્રતીક માનવામાં આવતો ચૂલો ગંદો કે ચીકણો રહે છે, તો તે પરિવારના સભ્યોના સ્વાસ્થ્ય પર સીધી અસર કરે છે. તેનાથી પેટ સંબંધિત રોગો અને આર્થિક નુકસાન થઈ શકે છે.
રસોડામાં જૂનો કે વાસી ખોરાક રાખવાથી પણ વાસ્તુ દોષ થાય છે. આ ઘરમાં નકારાત્મકતા લાવે છે અને રોગોને આમંત્રણ આપે છે. વાસી ખોરાક તાત્કાલિક દૂર કરવો જોઈએ.
તમારા રસોડાને દરરોજ સારી રીતે સાફ કરો. રસોડાને હવાદાર અને સારી રીતે પ્રકાશિત રાખો. સકારાત્મક ઉર્જાનો પ્રવાહ આવવા દેવા માટે બારીઓ ખુલ્લી રાખો.(નોંધ : અહીં આપવામાં આવેલી માહિતી ફક્ત આપની જાણકારી માટે છે.)
