UPI જ નહીં, RuPay કાર્ડથી પેમેન્ટ કરવા પર પણ લાગશે ચાર્જ? જાણો સામાન્ય UPI અને RuPay ક્રેડિટ કાર્ડ વચ્ચેનો તફાવત
ડિજિટલ પેમેન્ટના વધતા ઉપયોગ વચ્ચે UPI ચાર્જને લઈને ચર્ચા તેજ થઈ છે. RuPay ક્રેડિટ કાર્ડને UPI સાથે લિંક કરીને પેમેન્ટ કરવા પર MDR લાગુ થવાની વાત સામે આવી છે, તો જાણો બંને વચ્ચે શું તફાવત છે.
UPI શું છે? UPI એ એક ડિજિટલ પેમેન્ટ સિસ્ટમ છે, જેના દ્વારા યુઝર્સ બેંક ખાતામાંથી સીધા જ કોઈપણ વ્યક્તિ કે મર્ચન્ટને પૈસા મોકલી શકે છે. આમાં મોબાઈલ નંબર, UPI ID અથવા QR કોડ દ્વારા ચૂકવણી કરવામાં આવે છે. સામાન્ય બેંક ખાતામાંથી કરવામાં આવેલા UPI પેમેન્ટ પર હાલમાં ગ્રાહકો પાસેથી કોઈ નિયમિત MDR ચાર્જ લેવામાં આવતો નથી.
UPI પર ચાર્જની ચર્ચા કેમ થઈ રહી છે? UPI પર MDR ને લઈને ચર્ચા તેજ છે. MDR એ ડિજિટલ પેમેન્ટ સ્વીકારનાર મર્ચન્ટ (વેપારી) પાસેથી વસૂલવામાં આવતો શુલ્ક છે. જોકે, તેની સીધી અસર ગ્રાહકો પર પડશે નહીં અને દરેક UPI પેમેન્ટ પર વધારાનો ચાર્જ લાગશે નહીં.
RuPay Credit Card ને UPI સાથે લિંક કરીને પેમેન્ટ શું છે? ગ્રાહક પોતાના RuPay Credit Card ને UPI એપ સાથે લિંક કરીને મર્ચન્ટના QR કોડ દ્વારા પેમેન્ટ કરી શકે છે. આ પ્રક્રિયામાં પૈસા બેંક ખાતામાંથી કપાતા નથી, પરંતુ ક્રેડિટ કાર્ડની નક્કી કરેલી લિમિટમાંથી ચૂકવણી થાય છે. અહીં UPI માત્ર પેમેન્ટ કરવાનું માધ્યમ છે, જ્યારે ટ્રાન્ઝેક્શન ક્રેડિટ કાર્ડના માધ્યમથી પૂરું થાય છે.
RuPay Credit Card થી UPI પેમેન્ટ પર MDR કેમ લાગે છે? સામાન્ય UPI માં પૈસા બેંક ખાતામાંથી કપાય છે, જ્યારે રૂપે ક્રેડિટ કાર્ડના માધ્યમથી ક્રેડિટ પર ટ્રાન્ઝેક્શન થાય છે. આમાં મર્ચન્ટ પર MDR લાગુ થઈ શકે છે, જે કેટેગરી અનુસાર અલગ-અલગ હોઈ શકે છે અને આના પર 18% GST પણ લાગી શકે છે.
સામાન્ય UPI અને RuPay Credit Card UPI માં મોટો તફાવત, બંનેમાં સૌથી મોટો તફાવત એ છે કે પેમેન્ટના પૈસા ક્યાંથી આવે છે.
સામાન્ય UPI માં: પૈસા સીધા બેંક ખાતામાંથી કપાય છે. આ બેંક-ટુ-બેંક ટ્રાન્ઝેક્શન હોય છે. સામાન્ય UPI પેમેન્ટ પર ગ્રાહક પાસેથી MDR લેવામાં આવતો નથી. QR કોડ દ્વારા સરળતાથી પેમેન્ટ કરી શકાય છે.
RuPay Credit Card-on-UPI માં: પૈસા લિંક કરેલા RuPay Credit Card ની ક્રેડિટ લિમિટમાંથી આવે છે. ગ્રાહકે પાછળથી ક્રેડિટ કાર્ડનું બિલ ચૂકવવું પડે છે. મર્ચન્ટ પર MDR લાગુ થઈ શકે છે. આ સુવિધા મુખ્યત્વે મર્ચન્ટ પેમેન્ટ માટે છે.
શું દરેક UPI પેમેન્ટ પર MDR લાગશે? એવું નથી કે દરેક UPI પેમેન્ટ પર MDR ચાર્જ લાગશે. ફક્ત UPI વાપરવાથી ગ્રાહક પર વધારાનો શુલ્ક લાગુ થતો નથી. સામાન્ય બેંક ખાતાનું UPI અને RuPay Credit Card-on-UPI ટ્રાન્ઝેક્શન અલગ-અલગ રીતે પ્રોસેસ કરવામાં આવે છે. RuPay Credit Card UPI પેમેન્ટ પર MDR નો દર મર્ચન્ટની કેટેગરી અને ટ્રાન્ઝેક્શનના પ્રકાર અનુસાર નક્કી થઈ શકે છે.
