Union Bank માં 400 દિવસની FD માં 2,00,000 રૂપિયા જમા કરવો તો કેટલું વ્યાજ મળે? જાણો ગણતરી
યુનિયન બેંક ઓફ ઇન્ડિયા (Union Bank of India) તેની ફિક્સ્ડ ડિપોઝિટ (FD) યોજનાઓ પર આકર્ષક વ્યાજ દરો ઓફર કરે છે. ખાસ કરીને 444 અને 400 દિવસની FD યોજનાઓમાં સામાન્ય રીતે મોટું વ્યાજ મળે છે.
Union Bank of India તેની ફિક્સ્ડ ડિપોઝિટ (FD) યોજનાઓ પર આકર્ષક વ્યાજ દર ઓફર કરે છે, જેના કારણે તે રોકાણકારો માટે એક વિશ્વસનીય વિકલ્પ બની રહી છે. બેંકમાં તમે ઓછામાં ઓછા 7 દિવસથી લઈને મહત્તમ 10 વર્ષ સુધીની મુદત માટે FD ખોલી શકો છો. હાલમાં બેંક વિવિધ મુદતવાળી FD યોજનાઓ પર 2.75% થી લઈને 7.35% સુધીના વ્યાજ દર આપી રહી છે.
તાજેતરમાં, યુનિયન બેંક ઓફ ઈન્ડિયાએ 444 દિવસની વિશેષ FD યોજના શરૂ કરી છે, જેમાં સૌથી વધુ વ્યાજ દર આપવામાં આવે છે. આ યોજનામાં સામાન્ય નાગરિકોને 6.60%, વરિષ્ઠ નાગરિકોને 7.10% અને ખૂબ જ વરિષ્ઠ નાગરિકોને 7.35% સુધી વ્યાજ મળે છે. આ ખાસ યોજના રોકાણકારો માટે વધુ વળતર મેળવવાની સારી તક છે.
આ ઉપરાંત, બેંક 400 દિવસની FD યોજના પર પણ આકર્ષક વ્યાજ આપે છે. આ યોજના હેઠળ સામાન્ય નાગરિકોને 6.40%, વરિષ્ઠ નાગરિકોને 6.90% અને ખૂબ જ વરિષ્ઠ નાગરિકોને 7.15% વ્યાજ દર આપવામાં આવે છે.
જો કોઈ વ્યક્તિ 400 દિવસ માટે ₹2,00,000 નું રોકાણ કરે, તો તેને સારો વળતર મળી શકે છે. સામાન્ય નાગરિકોને પાકતી મુદતે ₹14,412 વ્યાજ મળશે અને કુલ રકમ ₹2,14,412 થશે. વરિષ્ઠ નાગરિકોને ₹15,571 વ્યાજ સાથે કુલ ₹2,15,571 મળશે. જ્યારે ખૂબ જ વરિષ્ઠ નાગરિકોને ₹16,152 વ્યાજ સાથે કુલ ₹2,16,152 પ્રાપ્ત થશે.
આ રીતે, યુનિયન બેંક ઓફ ઈન્ડિયાની FD યોજનાઓ સ્થિર અને સુરક્ષિત રોકાણ સાથે સારો વળતર મેળવવા માટે યોગ્ય વિકલ્પ બની શકે છે.
