Travel With Tv9 : વુમન્સ ડે પર તમારી મહિલા મિત્રોને ગિફ્ટમાં આપો ટ્રાવેલ ટ્રીપ, જાણો કયા સ્થળોનો છે સમાવેશ
દર વર્ષે 8 માર્ચના રોજ દેશભરમાં મહિલા દિવસની ઉજવણી કરવામાં આવે છે. તો તમે પણ તમારી આસપાસ રહેતી મહિલાઓ કે તમારા પરિવારની મહિલાઓને એક શાનદાર ટ્રાવેલ ટ્રીપની ભેટ આપી શકો છો.
ઉત્તરાખંડના સૌથી સુંદર અને સલામત હિલ સ્ટેશનોની મુલાકાત લેવાની વાત આવે છે. ત્યારે ઘણી સ્ત્રીઓ સૌ પ્રથમ નૈનિતાલની મુલાકાત લેવાનો ઉલ્લેખ કરે છે. ફક્ત ભારતીય મહિલાઓ જ નહીં પરંતુ વિદેશી મહિલાઓ પણ નૈનિતાલની મુલાકાત લેવા અને મજા કરવા આવે છે.
નૈનીતાલમાં, મહિલાઓ તેમના પ્રિયજનો સાથે નૈની તળાવ, નૈના દેવી મંદિર, ગુફા ગાર્ડન, સ્નો વ્યૂ પોઈન્ટ, નૈનીતાલ પ્રાણી સંગ્રહાલય અને મોલ રોડ જેવા અદ્ભુત સ્થળોની મુલાકાત લઈ શકે છે. તમે નૈની તળાવમાં તમારી ગર્લ ગેંગ સાથે બોટિંગનો આનંદ પણ માણી શકો છો. નૈનિતાલમાં મહિલાઓની સુરક્ષા માટે પોલીસ હંમેશા તૈનાત રહે છે.
સમુદ્ર સપાટીથી 6 હજાર ફૂટથી વધુની ઊંચાઈ પર સ્થિત મસૂરીને ઉત્તરાખંડના સૌથી સુંદર હિલ સ્ટેશનોમાંનું એક પણ માનવામાં આવે છે. તેની સુંદરતાની સાથે મસૂરીને મહિલાઓ માટે સલામત સ્થળ પણ માનવામાં આવે છે. મસૂરીને પહાડીઓની રાણી તરીકે પણ ઓળખવામાં આવે છે. મહિલા દિવસ નિમિત્તે તમે મસૂરીની ટ્રીપ પણ તમે ભેટમાં આપી શકો છો.
ઉત્તરાખંડના બાગેશ્વર જિલ્લામાં સ્થિત કૌસાનીને એક સુંદર હિલ સ્ટેશન તેમજ સલામત હિલ સ્ટેશન માનવામાં આવે છે. ઘણા લોકો કૌસાનીને ઉત્તરાખંડનું મીની સ્વિટ્ઝર્લૅન્ડ પણ કહે છે. કૌસાની હિમાલયની શિખરોના મનોહર દૃશ્ય માટે જાણીતું છે. દેશના લગભગ દરેક ખૂણામાંથી મહિલાઓ કૌસાનીની સુંદરતા જોવા માટે આવે છે.
ભારતમાં તેમજ સમગ્ર વિશ્વમાં પ્રખ્યાત ઋષિકેશ એક સુંદર હિલ સ્ટેશન છે. તેની સુંદરતાની સાથે, ઋષિકેશને સૌથી સુરક્ષિત હિલ સ્ટેશનોમાંનું એક પણ ગણવામાં આવે છે. ગંગા નદીના કિનારે આવેલું ઋષિકેશ, અન્ય પ્રવાસીઓની સાથે ઘણી મહિલા પ્રવાસીઓને આકર્ષે છે.
Published On - 3:23 pm, Sat, 1 March 25
