કેળાની છાલ ક્યારેય કચરામાં ન ફેંકો! જાણી લો, આ અદ્ભુત ફાયદા જે તમારા ‘પૈસા’ અને ‘સમય’ બચાવશે
કેળાં ખાધા પછી મોટાભાગના લોકો તેની છાલ નકામી ગણીને કચરાપેટીમાં ફેંકી દેતા હોય છે. જો કે, આ છાલ તમારા ઘરના અનેક કામોમાં ખૂબ ઉપયોગી સાબિત થઈ શકે છે. કેળાની છાલમાં એવા અદભુત ગુણો રહેલા છે કે, જે રોજિંદા જીવનની ઘણી મુશ્કેલીઓ ચપટીમાં ઉકેલી શકે છે.
કેળાં ખાવાનું તો લગભગ દરેકને પસંદ હોય છે પરંતુ તેને ખાધા પછી આપણે અવારનવાર તેની છાલ સીધી કચરાપેટીમાં ફેંકી દઈએ છીએ. જો કે, કેળાની છાલનો ઉપયોગ ઘરના કેટલાક કામોમાં ફરીથી કરી શકાય છે. તેમાં અનેક પોષક તત્વો હોય છે, તેથી તેનો ખાસ કરીને છોડની સંભાળમાં ઉપયોગ કરવામાં આવે છે. આ સિવાય ઘરની કેટલીક સફાઈના કામોમાં પણ તે ઉપયોગી થઈ શકે છે.
કેળાની છાલમાં પોટેશિયમ જેવા પોષક તત્વો મળી આવે છે, તેથી તેનો ઉપયોગ છોડ માટે કરી શકાય છે. ખાસ કરીને ઘરમાં વાવેલા છોડ માટે આ એક સરળ ઘરગથ્થુ ઉપાય હોઈ શકે છે. કેળાની છાલને નાના ટુકડાઓમાં કાપીને માટીમાં હળવેથી દબાવી દો. તમે છાલને પાણીમાં થોડો સમય પલાળી રાખીને તે પાણીને પણ છોડની માટીમાં નાખી શકો છો. ખૂબ વધારે માત્રામાં તેનો ઉપયોગ ન કરવો.
જો તમારા લેધરના (ચામડાના) જૂતા કે લેધરની અન્ય વસ્તુઓ થોડી ઝાંખી દેખાતી હોય, તો તમે કેળાની છાલનો અંદરનો ભાગ અજમાવી શકો છો. છાલના અંદરના ભાગને લેધર પર ખૂબ જ હળવા હાથે લગાવો. ત્યારબાદ મુલાયમ સુકા કપડાથી સપાટીને સાફ કરી દો. કોઈ મોંઘી કે ખાસ લેધરની વસ્તુ પર ઉપયોગ કરતા પહેલાં તેને નાના ભાગ પર ટેસ્ટ ચોક્કસ કરી લેવો.
કેળાની છાલનો ઉપયોગ કેટલાક લોકો ચાંદીની વસ્તુઓની ઘરગથ્થુ સફાઈ માટે પણ કરે છે. જો કે, કિંમતી કે નાજુક જ્વેલરી પર તેને અજમાવતા પહેલાં સાવચેતી રાખવી જરૂરી છે. છાલને થોડા પાણી સાથે પીસીને હળવી પેસ્ટ બનાવી લો. તેને ચાંદીની સામાન્ય વસ્તુ પર થોડીવાર લગાવીને મુલાયમ કપડાથી સાફ કરો. તે પછી સ્વચ્છ પાણીથી ધોઈને સારી રીતે સુકવી લો.
કેળાની છાલના અંદરના ભાગનો ઉપયોગ કેટલીક લીસી સપાટીઓ પર હળવી સફાઈ માટે કરી શકાય છે. આ ખાસ કરીને ત્યારે કામ આવી શકે છે, જ્યારે તમારે કોઈ સપાટીને હળવાશથી લૂછવી હોય. છાલના અંદરના ભાગને સપાટી પર ધીમે-ધીમે ઘસો અને પછી સાફ, મુલાયમ કપડાથી લૂછી લો. પહેલાં કોઈ નાના ભાગ પર ચોક્કસ ચકાસી લો, જેથી સપાટીને કોઈ નુકસાન ન થાય.
છોડની સંભાળ માટે કેળાની છાલનું પાણી એક સરળ ઘરગથ્થુ ઉપાય છે. તેમાં કેળામાંથી મળતા કેટલાક પોષક તત્વો પાણીમાં આવી શકે છે. એક સ્વચ્છ કેળાની છાલને નાના ટુકડાઓમાં કાપીને પાણીમાં થોડો સમય પલાળી રાખો. તે પછી છાલ કાઢી લો અને પાણીને છોડની માટીમાં નાખો. તેને ખૂબ વધારે માત્રામાં વાપરવાની જરૂર નથી.
