Tips and Tricks : કપડાંમાંથી શાહી, ચા, કોફી અને શાકભાજીના ડાઘ દૂર કરો, અપનાવો આ ઘરેલું ઉપાય
Tips and tricks for cloth wash : કામ કરતી વખતે અથવા ખાતી વખતે અથવા પીતી વખતે કપડાં પર ડાઘ થવા સામાન્ય છે, પરંતુ કેટલાક ડાઘા એકદમ હઠીલા હોય છે અને તેને માત્ર ડિટર્જન્ટ અથવા સાબુથી દૂર કરી શકાતા નથી. આવી સ્થિતિમાં તમે ડાઘ દૂર કરવા માટે કેટલાક ઘરેલું ઉપાય અજમાવી શકો છો.
શાહીના દાગથી મેળવો છુટકારો : ઘણીવાર પેન બાળકોના કપડાં પર અડી જતા લીટા થઈ જતા હોય છે. આવી સ્થિતિમાં તમારે એક સરળ ટ્રીક અજમાવવી પડશે. જો તમારા ઘરમાં પરફ્યુમ હોય તો જ્યાં પેન કપડા પર અડી ગઈ હોય ત્યાં બે થી ત્રણ વાર સ્પ્રે કરો અને તેને હળવા હાથે ઘસીને સાફ કરો. આ સિવાય શાહીના ડાઘ દૂર કરવા માટે હેન્ડ સેનિટાઈઝરનો ઉપયોગ કરી શકાય છે. જો શાહીનો ડાઘ હોય તો બેકિંગ સોડા (નોંધ લો કે સોડા પાવડર નથી) ને થોડા ઠંડા પાણીમાં મિક્સ કરીને પેસ્ટ બનાવો અને તેને કોટન બોલ પર લગાવો અને હળવા હાથે તેને દૂર કરો. શાહી ફેલાઈ ન જાય તેનું ધ્યાન રાખો.
ચા અથવા કોફીના ડાઘ કેવી રીતે દૂર કરવા : જો કોઈ કપડાં પર ચા કે કોફી ઢોળાઈ જાય તો તેને તરત જ સાફ કરવાનો પ્રયાસ કરો. આ સિવાય લીંબુ અને સફેદ વિનેગર મિક્સ કરીને ચા અને કોફીના ડાઘ સાફ કરો. જો કે તે તમારા કપડાં પર હઠીલા હોઈ શકે છે. તેથી પહેલા ચેક કરો કે કપડાંની ક્વોલિટી સારી હોય.
Published On - 12:58 pm, Tue, 17 September 24
