41 રૂપિયા પર આવ્યો હતો IPO, આજે ભાવ 64 પર પહોંચ્યો, થોડા દિવસોમાં રોકાણકારોને બનાવ્યા માલામાલ
IPOમાં ધમાલ મચાવ્યા બાદ આ કંપનીના શેરમાં તેજીનું વલણ જોવા મળ્યું છે. આજે સોમવારે કંપનીના શેરમાં 17 ટકાનો વધારો થયો હતો. કંપનીના શેર 31 જાન્યુઆરી, 2024ના રોજ BSE અને NSE પર 35 ટકાના બમ્પર પ્રીમિયમ પર લિસ્ટ થયા હતા. કંપનીના શેરની 52 સપ્તાહની હાઈ કિંમત 78.47 રૂપિયા અને 52 સપ્તાહની લો કિંમત 45 રૂપિયા છે.
સ્મોલ-કેપ કંપનીએ મે 2024ના અંતમાં નાણાકીય વર્ષ 2023-24 માટે તેના ચોથા ક્વાર્ટરના પરિણામો જાહેર કર્યા હતા. કંપનીના Q4FY24માં 57.55 કરોડ રૂપિયાની કુલ આવક જાહેર કરી હતી, જે Q3FY24માં 50.72 કરોડ રૂપિયા હતી.
આ કંપનીની કુલ આવકમાં આશરે 13.50 ટકાની ક્વાર્ટર-ઓન-ક્વાર્ટર (QoQ) વૃદ્ધિ દર્શાવે છે. તુલનાત્મક રીતે, Q4FY23માં, કંપનીની કુલ આવક 36.16 કરોડ રૂપિયા હતી, જે Q4FY24માં કંપનીની કુલ આવક કરતાં વાર્ષિક ધોરણે (YoY) લગભગ 60 ટકાની વૃદ્ધિ દર્શાવે છે.
નોવા એગ્રીટેક લિમિટેડ એગ્રી ઇનપુટ ક્ષેત્રની અગ્રણી કંપની છે. તેની સ્થાપના મે 2007માં કરવામાં આવી હતી. આ હૈદરાબાદ સ્થિત કંપની છે. કંપની ટેકનોલોજીનો ઉપયોગ કરીને ઉત્પાદનો બનાવે છે.
વધુમાં, નોવા એગ્રીટેક ખેડૂતો સાથે તેમની જરૂરિયાતોની સમજ મેળવવા અને તેમની જરૂરિયાતોને સંતોષતા વૈવિધ્યપૂર્ણ ઉકેલો વિકસાવવા માટે મદદ કરે છે.
નોંધ: શેરબજારમાં જાણકારી વગર રોકાણ ન કરો. કોઈપણ શેરમાં રોકાણ કરતા પહેલા તમારે તમારા નાણાકીય સલાહકાર સાથે એકવાર વાત કરવી જોઈએ. જો તમે આવું ન કરો તો તમારે આર્થિક નુકસાન સહન કરવું પડી શકે છે.
