Tampons : શું તમે ટેમ્પોન Use કરો છો ? તે કરી શકે છે બીમાર, તેમાંથી મળ્યા ખતરનાક મેટલ
Tampons Use : સંશોધન મુજબ ટેમ્પોનમાં 16 ખતરનાક મેટલ મળી આવી છે. આ મેટલ સ્વાસ્થ્ય માટે ખૂબ જ ખતરનાક છે. જો તમે આ ટેમ્પોન યુઝ કરતા હોય તો આ માહિતી તમારી પાસે હોવી જરુરી છે.
અભ્યાસ કહે છે કે આ ધાતુઓ યોનિ સાથે વધુ પડતા સંપર્કમાં હોવાને કારણે તે ઘણી સ્વાસ્થ્ય સમસ્યાઓનું કારણ બની શકે છે.
આ સંશોધનના મુખ્ય લેખક જેની એ. શેરસ્ટને કહ્યું, 'આ સંભવિત જાહેર આરોગ્યની ચિંતા હોવા છતાં, ટેમ્પોનમાં ઘણાં રસાયણો હોય છે. ટેમ્પોન સારા છે કે નહીં અને તેમાં રસાયણોનું પ્રમાણ કેટલું છે તેના પર બહુ ઓછા સંશોધન કરવામાં આવ્યા છે. ટેમ્પોનમાં કેટલી ધાતુ હોય છે કે નહીં તે અંગેનું આ પ્રથમ સંશોધન છે.
આ રિસર્ચમાં ટેમ્પોન્સમાં જોવા મળતી તમામ ધાતુઓ પર સંશોધન કરવામાં આવ્યું છે. તેમાં આર્સેનિક અને સીસા જેવી ઝેરી ધાતુઓ પણ મળી આવી છે. આ સંશોધન પછી આશા છે કે ટેમ્પોન બનાવતી કંપની સમજી જશે કે આ પ્રકારની મેટલનો ઉપયોગ કરવો ખૂબ જ જોખમી છે.
ટેમ્પોન્સને કારણે મહિલાને ઝેરી સિન્ડ્રોમનો ભોગ બનવું પડી શકે છે. જે પાછળથી સેપ્સિસમાં ફેરવાય છે. 'વર્લ્ડ હેલ્થ ઓર્ગેનાઈઝેશન' અનુસાર સેપ્સિસ કોઈપણ મહિલા માટે ઘાતક સ્થિતિ છે. આના કારણે રોગપ્રતિકારક શક્તિ નબળી પડી જાય છે અને ચેપનું જોખમ પણ વધી જાય છે.
સેનિટરી નેપકિન અને ટેમ્પોનના વધુ પડતા ઉપયોગને કારણે મહિલાઓ ઈન્ફેક્શન અને બળતરાની ફરિયાદ કરે છે. પીરિયડ્સ પૂરા થયા પછી આ સમસ્યા થાય છે. જેના કારણે પ્રાઈવેટ પાર્ટની આસપાસ ખંજવાળ થવા લાગે છે.
ટેમ્પોન્સને લીધે તે વિસ્તારમાં હવાનું પરિભ્રમણ ઘણું ઓછું થાય છે. કારણ કે તેમાં બેક્ટેરિયા વધવા લાગે છે. આ બેક્ટેરિયા પીરિયડ્સના થોડા દિવસો પછી એલર્જી અથવા ચેપનું કારણ બની શકે છે. જો તમને પણ આવી સમસ્યા હોય તો તમારે આવા ઉત્પાદનોથી દૂર રહેવું જોઈએ.
