Stock Market : રૂપિયા કમાવવાનો રૂડો અવસર ! હોટેલ સેક્ટર નવી ઊંચાઈએ પહોંચશે, આ 3 સ્ટોક દમદાર રિટર્ન આપશે
ભારતમાં હવે હોટેલ સેક્ટર નવી ઊંચાઈ તરફ આગળ વધી રહ્યું છે. એક રિપોર્ટ અનુસાર, આગામી 3-4 વર્ષ હોટેલ કંપનીઓ માટે 'ગોલ્ડન પીરિયડ' સાબિત થઈ શકે છે. એવામાં આ 3 સ્ટોક તમને સારું રિટર્ન આપી શકે છે.
B&K Securities ની રિપોર્ટ મુજબ, હોટેલ ઇંડસ્ટ્રીને લઈને ઘણા સકારાત્મક સંકેતો સામે આવ્યા છે. લોકો હવે મુસાફરી પર વધુ ખર્ચ કરી રહ્યા છે, જે માંગને વધારી રહ્યું છે. આ માંગ નાના અને મોટા બંને શહેરોમાં જોવા મળે છે.
ઇન્ડસ્ટ્રીમાં હાલ તે જ ટ્રેન્ડ્સ જોવા મળી રહી છે, જે અગાઉના મોટા અપસાયકલ (FY03-08 અને FY15-19) દરમિયાન જોવા મળી હતી. અહેવાલમાં અંદાજ છે કે, નાણાકીય વર્ષ 2024-2028 દરમિયાન આ સેક્ટર માટે સપ્લાય CAGR માત્ર 8.4 ટકા રહેશે, જ્યારે ડિમાન્ડ CAGR 9.6 ટકા રહેવાની છે.
આવા સમયમાં એવરેજ રૂમ રેટ્સમાં વધારો જોવા મળશે, જે હોટેલોના નફાને સકારાત્મક રીતે અસર કરશે. આ ઉપરાંત સૌથી મહત્વનો ટ્રેન્ડ નાના શહેરોમાંથી (ઋષિકેશ, ગુલમર્ગ, રણથંભોર અને કુર્ગ) જોવા મળી શકે છે. આ પરથી સ્પષ્ટ છે કે, હવે સેક્ટરને ગ્રોથ નાના અને મોટા બન્ને શહેરોમાંથી મળી રહ્યો છે.
રિપોર્ટમાં જણાવાયું છે કે, હવે હોટેલ સેક્ટર તેમજ રોકાણકારો માટે તકો ઊભી થઈ રહી છે. B&K Securities દ્વારા Indian Hotels Company માં 860 ના લક્ષ્ય સાથે રોકાણ કરવાની સલાહ આપવામાં આવી છે. રિપોર્ટ મુજબ ARR એટલે કે એવરેજ રૂમ રેન્ટ ગ્રોથ અને ઓક્યુપન્સીમાં સુધારાના કારણે કંપની અંગે સકારાત્મક વલણ બનાવાયું છે.
વધુમાં Chalet Hotels માં 1100 ના લક્ષ્ય સાથે રોકાણ કરવાની સલાહ આપવામાં આવી છે. રિપોર્ટ મુજબ બિઝનેસ પર ફોકસ કરેલી જગ્યાઓ પર હોટેલ્સની હાજરી તેના માટે એક મોટું પોઝિટિવ ફેક્ટર છે. આ સાથે જ કંપનીને તેની મહત્વપૂર્ણ ભાગીદારીમાંથી પણ ફાયદો મળશે.
આ ઉપરાંત Lemon Tree Hotels માં પણ 190 ના લક્ષ્ય સાથે રોકાણ કરવાની સલાહ આપવામાં આવી છે. રિપોર્ટ મુજબ કંપનીની મિડ માર્કેટમાં મજબૂત સ્થિતિ છે અને આ સેગ્મેન્ટ ઝડપથી ગ્રોથ કરી રહ્યો છે.
