Stock Market : આ શેરમાં આવશે ‘મોટો ઉછાળો’, બ્રોકરેજે આપ્યું ‘Buy’ રેટિંગ
શેરબજારમાં સામાન્ય રીતે જોવા મળતા ઉતાર-ચઢાવ વચ્ચે એક જાણીતી ફાર્મા કંપનીએ પોતાના બિઝનેસમાં ખૂબ જ સારો દેખાવ કર્યો છે. ખાસ કરીને આ કંપનીની પ્રગતિ સમગ્ર ભારતીય ફાર્મા માર્કેટની સરેરાશ ગ્રોથ કરતા પણ વધુ જોવા મળી છે.
ફાર્મા સેક્ટરમાં મેનકાઈન્ડ ફાર્માનો શેર પાછલા ટ્રેડિંગ સેશન એટલે કે ગુરુવારે ઘટાડા સાથે કારોબાર કરીને ₹2246.55 પર બંધ થયો હતો. આ દરમિયાન, મોતીલાલ ઓસવાલનો રિપોર્ટ આવ્યો છે, જે મુજબ કંપનીનો ડોમેસ્ટિક ફોર્મ્યુલેશન બિઝનેસ માર્ચ 2026માં 11.5 ટકાના દરે વધ્યો છે, જેણે સમગ્ર ભારતીય ફાર્મા માર્કેટ (IPM) ની ગ્રોથને પણ પાછળ છોડી દીધી છે.
નવા પ્રોડક્ટ લોન્ચ અને ક્રોનિક થેરાપીમાં વધતી પકડના આધારે બ્રોકરેજે તેને ખરીદવાની સલાહ આપી છે. બીજું કે, શેરના ભાવમાં સારી તેજીની આશા પણ વ્યક્ત કરી છે. દિગ્ગજ બ્રોકરેજ ફર્મ મોતીલાલ ઓસવાલે આ ફાર્મા સ્ટોક પર પોતાનો ભરોસો વ્યક્ત કરતા 'Buy' રેટિંગ યથાવત રાખ્યું છે. બ્રોકરેજે શેર માટે ₹2640 નો નવો ટાર્ગેટ પ્રાઇસ નક્કી કર્યો છે, જે અગાઉ ₹2488 હતો.
મોતીલાલ ઓસવાલે તેના રિપોર્ટમાં જણાવ્યું છે કે, કંપનીના ડોમેસ્ટિક ફોર્મ્યુલેશન બિઝનેસમાં હેલ્ધી સુધારો જોવા મળી રહ્યો છે. માર્ચ 2026 માં તેમાં 11.5 ટકાનો વાર્ષિક વધારો નોંધાયો છે, જે ભારતીય ફાર્માસ્યુટિકલ માર્કેટની 10.6 ટકાની ગ્રોથ કરતા પણ વધુ છે. ડોમેસ્ટિક ફોર્મ્યુલેશનમાં આ રિકવરી મુખ્યત્વે ક્રોનિક થેરાપી દ્વારા સંચાલિત છે.
એવો અંદાજ છે કે, નાણાકીય વર્ષ 2026-28 દરમિયાન મેનકાઈન્ડની રેવન્યુ 13 ટકા CAGR ના દરે વધશે. નાણાકીય વર્ષ 2026-2028 દરમિયાન કંપનીનો EBITDA 16 ટકા અને નેટ પ્રોફિટ (PAT) 27 ટકા CAGR ના દરે વધવાની અપેક્ષા છે.
કંપનીએ Q4 FY25 માં તેના કન્સોલિડેટેડ નફામાં 10.7 ટકાનો વાર્ષિક ઘટાડો નોંધાવ્યો હતો, જે ₹420.8 કરોડ રહ્યો હતો, જ્યારે એક વર્ષ પહેલા તે ₹471.2 કરોડ હતો. જો કે, રેવન્યુ 27.1 ટકા વધીને ₹3079.4 કરોડ થઈ ગઈ છે. EBITDA 16.5 ટકા વધીને ₹683.2 કરોડ થયો છે. જો કે, EBITDA માર્જિન ગયા વર્ષના 24.2 ટકાથી ઘટીને 22.2 ટકા રહી ગયું છે.
