Stock Market: રોકાણકારો નવરાત્રી પછી તૈયાર રહેજો! આ 3 કંપની આપશે ‘બોનસ શેર’, તમારો પોર્ટફોલિયો ચેક કરી લેજો
શેરબજારના રોકાણકારો માટે મોટા સમાચાર બહાર આવ્યા છે. આવતા અઠવાડિયે 3 કંપની તેના શેરધારકોને બોનસ શેર ઓફર કરવા જઈ રહી છે.
શેરબજારના રોકાણકારો માટે એક મહત્ત્વના સમાચાર બહાર આવ્યા છે. વાત એમ છે કે, આવતા અઠવાડિયે 3 કંપની તેના શેરધારકોને બોનસ શેર આપવા જઈ રહી છે.
અહેવાલો અનુસાર, GEE લિમિટેડ કંપની 1:1 રેશિયોમાં બોનસ શેર ઓફર કરશે. આનો અર્થ એ છે કે, તમારી પાસે જેટલા શેર છે તેટલા જ નવા શેર મફતમાં મળશે.
Paushak લિમિટેડ કંપનીએ 3:1 રેશિયોમાં બોનસ ઇશ્યૂની જાહેરાત કરી છે. આનો અર્થ એ થયો કે, રોકાણકારોને દરેક શેર ઉપર ત્રણ બોનસ શેર મળશે, જે રોકાણકારો માટે સૌથી મોટી ઓફર માનવામાં આવી રહી છે.
વધુમાં Shilpa Medicare લિમિટેડ કંપની 1:1 રેશિયોમાં બોનસ શેર ઓફર કરશે. ટૂંકમાં તમારી પાસે રહેલા દરેક શેર ઉપર તમને વધારાનો એક શેર ફ્રી મળશે.
આ ત્રણેય કંપનીઓની એક્સ-ડેટ અને રેકોર્ડ ડેટ 3 ઓક્ટોબર, 2025 છે. સરળ રીતે કહીએ તો, આ તારીખ સુધીમાં શેર ધરાવતા રોકાણકારો બોનસ શેર મેળવવા માટે પાત્ર બનશે. રેકોર્ડ ડેટ પછી ખરીદેલા શેર બોનસ માટે પાત્ર રહેશે નહીં.
