Share Marketમાં ચૂંટણીની અનિશ્ચિતતા વચ્ચે Asian Paints સહિતના આ શેરનું લિસ્ટ કરાવશે નફો, એક્સપર્ટે આપ્યા તેજીના સંકેત
ગુરુવારે દલાલ સ્ટ્રીટમાં અંધાધૂંધી હતી. રોકાણકારોએ ચારેબાજુ શેર વેચ્યા. તેના કારણે બોમ્બે સ્ટોક એક્સચેન્જ (BSE) સેન્સેક્સ 1,062 પોઈન્ટ ઘટીને 72,404.17 પોઈન્ટ પર પહોંચ્યો હતો. એ જ રીતે નેશનલ સ્ટોક એક્સચેન્જ (NSE) નો નિફ્ટી પણ 345 પોઈન્ટ ઘટીને 21,957.50 પોઈન્ટ પર બંધ થયો હતો. જોકે હજુ પણ કેટલાય એવા શેર છે જે તમને કમાણી કરાવી શકશે.
મોમેન્ટમ સૂચક મૂવિંગ એવરેજ કન્વર્જન્સ ડાયવર્જન્સ (MACD) એ બોશ, ઝાયડસ વેલનેસ, નેસ્કો અને મહાન ફૂડ્સ પર તેજીનું વલણ દર્શાવ્યું છે. MACD એ ટ્રેડેડ સિક્યોરિટીઝ અથવા ઇન્ડેક્સમાં ટ્રેન્ડ રિવર્સલ્સ સૂચવવા માટે જાણીતું છે. જ્યારે MACD સિગ્નલ લાઇનને પાર કરે છે, ત્યારે તે બુલિશ સિગ્નલ આપે છે. આ સૂચવે છે કે શેરના ભાવમાં ઉપરની ગતિ જોવા મળી શકે છે. તેવી જ રીતે, તે મંદી પણ સૂચવે છે.
MACD એ Linde India, Inox Wind Energy, Apar Industries, Eicher Motors અને SKF India પર ભાર મૂક્યો છે. શેરમાં મંદીનો સંકેત આપ્યો છે. મતલબ કે હવે આ શેરો ઘટવા લાગ્યા છે.
જે શેરોમાં મજબૂત ખરીદી જોવા મળી રહી છે તેમાં વિજયા ડાયગ્નોસ્ટિક, ટિમકેન ઈન્ડિયા, જ્યુપિટર વેગન્સ, M&M, SBI, એવન્યુ સુપરમાર્ટ અને આઈશર મોટર્સનો સમાવેશ થાય છે. આ શેર્સ તેમના 52 સપ્તાહના ઉચ્ચ સ્તરને પાર કરી ગયા છે. આ આ શેર્સમાં તેજી દર્શાવે છે.
જે શેરોમાં વેચવાલીનું દબાણ જોવા મળી રહ્યું છે તેમાં Asian Paints, Berger Paints, Syngene International, Dalmia Bharat, Ramco Cements, HDFC Life અને Zee Entertainment Enterprisesનો સમાવેશ થાય છે.
નોંધ: અહીં આપેલી માહિતી માત્ર જાણકારીના હેતુથી આપવામાં આવી છે, અત્રે એ ઉલ્લેખ કરવો જરૂરી છે કે બજારમાં રોકાણ બજારના જોખમોને આધીન છે.Tv9 ગુજરાતી ક્યારેય કોઈને રોકાણ સંબંધીત સલાહ આપતું નથી. કિંમત વધવાની સંભાવના શેરની હાલની સ્થિતિને ધ્યાને રાખીને ફક્ત જાણકારી માટે આપવામાં આવી છે. કોઈપણ શેર ખરીદતા પહેલા નિષ્ણાતની સલાહ લો.
