આજે સાંજે LIC ની બોર્ડ મિટિંગ યોજાશે, જેમાં ત્રિમાસિક પરિણામો તેમજ વચગાળાના ડિવિડન્ડ અંગે નિર્ણય લેવામાં આવશે. LIC એ ભારતમાં સૌથી વધુ માર્કેટ કેપ ધરાવતી સરકારી કંપની છે. બીજા સ્થાને સ્ટેટ બેંક ઓફ ઈન્ડિયા છે, જેનું માર્કેટ કેપ 6.33 લાખ કરોડ રૂપિયા છે.
દેશની સૌથી મોટી વીમા કંપની LIC ના શેરમાં આજે પણ તેજી જોવા મળી છે. 8 ફેબ્રુઆરીના રોજ કંપનીના શેરમાં ત્રિમાસિક પરિણામો પહેલા 9% થી વધુનો વધારો જોવા મળ્યો હતો. શેર 6.47 ટકાના વધારા સાથે 1,112.00 ના સ્તર પર બંધ થયો હતો. આ સાથે જ માર્કેટ કેપ 7 લાખ કરોડ રૂપિયાને પાર ગયું છે. આજે શેર ઈન્ટ્રાડે 1144.45 રૂપિયાની વિક્રમી ટોચે પહોંચ્યો હતો.
બુધવારે 8 ફેબ્રુઆરીના રોજ રાજ્યસભામાં વડાપ્રધાન નરેન્દ્ર મોદીએ પોતાના સંબોધનમાં પણ LICનો ઉલ્લેખ કર્યો હતો. તેમણે કહ્યું હતું કે ભારતની સૌથી મોટી વીમા કંપની વિશે ઘણી અફવાઓ ફેલાવવામાં આવી હતી અને તેમ છતાં શેર રેકોર્ડ ઉચ્ચ સ્તરે ટ્રેડ થઈ રહ્યો છે.
LIC ના શેરે 2 ફેબ્રુઆરીએ તેના IPO ના ભાવથી 949 રૂપિયાને પાર કર્યા હતા. કંપનીના શેર સતત પાંચ ટ્રેડિંગ સેશનથી લીલા નિશાનમાં ટ્રેડ થઈ રહ્યા છે. સ્ટોક 5 દિવસમાં અંદાજે 20 ટકા વધ્યો છે.
જાન્યુઆરીમાં 14 ટકાના ઉછાળા બાદ ફેબ્રુઆરીમાં સ્ટોક 17 ટકાથી વધારે ઉપર છે. ગયા વર્ષે પણ ડિસેમ્બરમાં સ્ટોક 23 ટકા અને નવેમ્બરમાં 13 ટકા વધ્યો હતો. (નોંધ: આ રોકાણની સલાહ નથી. શેરબજાર જોખમોને આધીન છે. કોઈપણ રોકાણ કરતા પહેલા નિષ્ણાતની સલાહ લો.)