IRCTC એ પેમેન્ટ એગ્રીગેટર બિઝનેસ માટે નવી પેટા કંપનીની જાહેરાત કરી છે. આ નવા પેમેન્ટ મર્ચન્ટનું નામ IRCTC પેમેન્ટ્સ લિમિટેડ હશે. IRCTC દ્વારા આ જાણકારી શેરબજારને આપવામાં આવી છે. નવી કંપનીનું રજીસ્ટ્રેશન પણ પણ કરવામાં આવ્યું છે.
શેરબજારને આપવામાં આવેલી માહિતી અનુસાર IRCTC પેમેન્ટ્સ લિમિટેડ 10 ફેબ્રુઆરી 2024ના રોજ દિલ્હી અને હરિયાણામાં રજિસ્ટ્રાર ઓફ કંપનીઝમાં નોંધાયેલ છે. આ IRCTCની સંપૂર્ણ સબસિડિયરી કંપની હશે. IRCTC એ ભારતીય રેલવેની PSU કંપની છે, જે મુસાફરોને ટિકિટિંગ, કેટરિંગ અને પ્રવાસન સર્વિસિસ પૂરી પાડે છે.
IRCTCનો શેર 9 ફેબ્રુઆરીના રોજ 5.45 રૂપિયાના ઘટાડા સાથે બંધ થયા હતા. શેર 949 ના સ્તર પર ખુલ્યો હતો અને 954 ના હાઈ લેવલ પર પહોંચ્યો હતો. શેર 0.58 ટકાના ઘટાડા સાથે 938.90 રૂપિયા પર બંધ થયો હતો.
આઈઆરસીટીસીના શેરે છેલ્લા 5 દિવસમાં -2.97 ટકાનું રિટર્ન આપ્યું છે. જો આપણે રૂપિયામાં ગણતરી કરીએ તો તે -28.70 રૂપિયા થાય છે. IRCTC ના શેરમાં છેલ્લા 1 માસમાં 12.30 રૂપિયાનો ઘટાડો થયો છે. એટલે કે શેરે રોકાણકારોને એક મહિનામાં -1.29 ટકાનું રિટર્ન આપ્યું છે.
છેલ્લા 6 મહિનાની વાત કરીએ તો આઈઆરસીટીસીના શેરે ઈન્વેસ્ટર્સને 289.25 રૂપિયાનું વળતર આપ્યું છે. શેર 6 માસમાં 44.52 ટકા વધ્યો હતો. જે ઈન્વેસ્ટરે એક વર્ષ પહેલા રોકાણ કર્યું હતું તેઓને હાલ 46.68 ટકાનું રિટર્ન મળ્યું છે. કંપનીએ 1 વર્ષ દરમિયાન 298.80 રૂપિયાનું વળતર આપ્યું છે.