Stock Market Holiday : 15 નવેમ્બરે શેર માર્કેટ રહેશે બંધ, તો 20 નવેમ્બરે કોઈ જાહેર રજા ના હોવા છતાં માર્કેટ રહેશે બંધ, જાણો શું છે કારણ
ભારતીય શેર બજારમાં સોમવારથી શુક્રવાર સુધી ટ્રેડિંગ થાય છે અને શનિવાર અને રવિવારે રજા રહે છે. આ ઉપરાંત તહેવારો અને જાહેર રજાના દિવસે માર્કેટ બંધ રહે છે. ત્યારે 20 નવેમ્બરે પણ માર્કેટ બંધ રહેવાનું છે, પરંતુ આ દિવસે કોઈ જાહેર રજા નથી, તો કયા કારણોસર માર્કેટ બંધ રહેવાનું છે, તેના અંગે આ લેખમાં જાણીશું.
ભારતીય શેર બજારમાં સોમવારથી શુક્રવાર સુધી ટ્રેડિંગ થાય છે અને શનિવાર અને રવિવારે રજા રહે છે. આ ઉપરાંત તહેવારો અને જાહેર રજાના દિવસે માર્કેટ બંધ રહે છે. ત્યારે 20 નવેમ્બરે પણ માર્કેટ બંધ રહેવાનું છે, પરંતુ આ દિવસે કોઈ જાહેર રજા નથી, તો કયા કારણોસર માર્કેટ બંધ રહેવાનું છે.
ભારતીય શેર બજાર 20 નવેમ્બર 2024ને બુધવારના રોજ બંધ રહેશે. BSE અને NSE પર શેર બજારમાં આ દિવસે કોઈ કામકાજ નહીં થાય.
આ માટે નેશનલ સ્ટોક એક્સચેન્જ (NSE) દ્વારા એક નોટિફિકેશન બહાર પાડવામાં આવ્યું છે, જેમાં કહેવામાં આવ્યું છે કે, 20 નવેમ્બર 2024ને બુધવારના રોજ શેર માર્કેટ બંધ રહેશે.
મહારાષ્ટ્રમાં વિધાનસભા ચૂંટણીને કારણે 20 નવેમ્બર, 2024 બુધવારના રોજ ટ્રેડિંગ માટે બંધ રહેશે. આ દિવસે મહારાષ્ટ્ર વિધાનસભા માટે ચૂંટણી યોજાશે અને મતગણતરી 23 નવેમ્બરે થશે.
નવેમ્બર મહિનામાં તહેવારો અને ખાસ રજાઓના કારણે શેર બજાર કુલ 12 દિવસ બંધ રહેશે. દિવાળી નિમિત્તે 1લી નવેમ્બરને શુક્રવારના રોજ શેર બજાર બંધ રહ્યું હતું.
આ ઉપરાંત ગુરુ નાનક જયંતિના કારણે 15 નવેમ્બર સહિત મહિનામાં આવતા તમામ શનિવાર અને રવિવારના કારણે નવેમ્બરમાં કુલ 12 દિવસ શેર બજાર બંધ રહેશે. (Image - Freepik)
Published On - 3:02 pm, Wed, 13 November 24