સરકારી કંપનીએ Q2 માં કમાયો ‘તગડો નફો’, ડિવિડન્ડના ઇતિહાસને આગળ વધારીને આપી ‘મોટી ભેટ’
સરકારી કંપનીએ નાણાકીય વર્ષના બીજા ત્રિમાસિક ગાળામાં શાનદાર પ્રદર્શન કર્યું છે. કંપનીના ચોખ્ખા નફામાં મોટો વધારો નોંધાયો છે અને કામગીરીમાંથી થતી આવક પણ વધી છે. કંપનીના બોર્ડે શેરધારકો માટે વચગાળાના ડિવિડન્ડની જાહેરાત કરી છે, જે માટેની રેકોર્ડ ડેટ નક્કી કરવામાં આવી છે. નિયમિત ડિવિડન્ડ આપવાના ઇતિહાસને જાળવી રાખતા કંપની અગાઉ પણ સમયસર ડિવિડન્ડ ચૂકવતી રહી છે.
સરકારી માલિકીની કંપનીએ નાણાકીય વર્ષ 27 ના બીજા ક્વાર્ટરમાં કર પછીના સંયુક્ત નફા (PAT) માં વાર્ષિક ધોરણે (YoY) 46.9 ટકાનો વધારો નોંધાવ્યો છે (Q2FY27) જે પાછલા નાણાકીય વર્ષ (Q2FY26) ના સમાન ક્વાર્ટરમાં રૂ. 12,614.60 કરોડ હતો.
કામગીરીમાંથી સંયુક્ત આવક Q2FY27 માં વાર્ષિક ધોરણે (YoY) 25.6 ટકા વધીને રૂ. 1,98,263.33 કરોડ થઈ છે, જે ગયા વર્ષના સમાન ક્વાર્ટરમાં રૂ. 1,57,913.60 કરોડ હતી. સ્ટેન્ડઅલોન ધોરણે, ONGC એ Q2FY27માં PATમાં YoY 57.3 ટકાના વધારા સાથે રૂ. 15,489 કરોડ નોંધાવ્યો છે, જે Q2FY26માં રૂ. 9,847.97 કરોડ હતો.
જો કે, ક્રમિક ધોરણે કંપનીના સ્ટેન્ડઅલોન નાણાકીય પ્રદર્શનમાં નરમતા જોવા મળી હતી. નાણાકીય વર્ષ 2027 માં કર પછીનો નફો 9.1 ટકા ઘટીને રૂ. 15,489 કરોડ થયો, જે પાછલા ક્વાર્ટરમાં રૂ. 17,034 કરોડ હતો.
આવકમાં QoQ 5.6 ટકાનો ઘટાડો થયો અને તે રૂ. 46,460 કરોડથી ઘટીને રૂ. 43,875 કરોડ રહી ગઈ, જ્યારે EBITDA રૂ. 28,355 કરોડથી 12.3 ટકા ઘટીને રૂ. 24,860 કરોડ થયો. EBITDA માર્જિન પણ Q2FY27માં અગાઉના ત્રિમાસિક ગાળાના 61 ટકાથી ઘટીને 56.7 ટકા થઈ ગયું.
કંપનીના બોર્ડે નાણાકીય વર્ષ 2026-27 માટે રૂ. 5ની ફેસ વેલ્યુ ધરાવતા પ્રત્યેક ઇક્વિટી શેર પર રૂ. 8ના પ્રથમ વચગાળાના ડિવિડન્ડની પણ જાહેરાત કરી છે, જે 160 ટકા ડિવિડન્ડ દર્શાવે છે. ONGC એ વચગાળાના ડિવિડન્ડ માટે પાત્ર શેરધારકોને નક્કી કરવા માટે 12 નવેમ્બર 2026ની રેકોર્ડ ડેટ નક્કી કરી છે.
આનો અર્થ એ છે કે, જો તમારી પાસે 12 નવેમ્બર સુધી ONGCનો શેર છે; તો તમને પ્રત્યેક શેર પર રૂ. 8નું ડિવિડન્ડ મળશે. ડિવિડન્ડની ચુકવણી આ જાહેરાતના 30 દિવસની અંદર કરવામાં આવશે. ONGCનો શેરધારકોને નિયમિત ડિવિડન્ડ આપવાનો ઇતિહાસ રહ્યો છે.
કંપનીએ છેલ્લા કેટલાક વર્ષોમાં અનેક વચગાળાના અને ફાઇનલ ડિવિડન્ડ જાહેર કર્યા છે. વર્ષ 2026માં સપ્ટેમ્બરમાં રૂ. 1 પ્રતિ શેર અને ફેબ્રુઆરીમાં રૂ. 6.25 પ્રતિ શેરનું વચગાળાનું ડિવિડન્ડ આપ્યું હતું. નવેમ્બર 2025માં, કંપનીએ પ્રત્યેક શેર પર રૂ. 6નું વચગાળાનું ડિવિડન્ડ આપ્યું હતું, ત્યારબાદ સપ્ટેમ્બર 2025માં પ્રત્યેક શેર પર રૂ. 1.25નું ડિવિડન્ડ આપ્યું હતું.
