Mutual Fund : તમે તમારી પત્નીના નામે ‘SIP’ શરૂ કરી છે ? હવે તમારે કેટલો ટેક્સ ચૂકવવો પડશે ? નિયમ જાણી લેજો, નહીં તો…
છેલ્લા કેટલાક વર્ષોમાં મ્યુચ્યુઅલ ફંડમાં રોકાણ કરનારા લોકોની સંખ્યામાં તીવ્ર વધારો થયો છે. નોંધપાત્ર રીતે, આમાં નાના રોકાણકારો અને મહિલાઓની સંખ્યા ખુબ જ વધી છે.
લાંબાગાળાના ઘટાડા પછી ભારતીય શેરબજારમાં હવે સારી રિકવરી જોવા મળી રહી છે. જો કે, આ વર્ષે બીજા બજારોની સરખામણીમાં ભારતીય બજારનું પ્રદર્શન ઘણું નિરાશાજનક રહ્યું છે. એવામાં નિષ્ણાતો માને છે કે, ભારતીય બજારમાં ટૂંક સમયમાં તેજી જોવા મળશે.
બજારમાં ચાલી રહેલ અસ્થિરતાથી રોકાણકારોના મ્યુચ્યુઅલ ફંડ પોર્ટફોલિયો પર પણ ખાસ અસર પડી છે. જો કે, લાંબાગાળા માટે રોકાણ કરતા રોકાણકારો આ અંગે ખૂબ ચિંતિત નથી.
છેલ્લા કેટલાક વર્ષોમાં, મ્યુચ્યુઅલ ફંડમાં રોકાણ કરનારા લોકોની સંખ્યામાં તીવ્ર વધારો થયો છે. આ સંખ્યામાં નાના રોકાણકારો અને મહિલાઓનો પણ સમાવેશ થાય છે. ભારતમાં કામ કરતી મહિલાઓ મ્યુચ્યુઅલ ફંડમાં વધુને વધુ રોકાણ કરી રહી છે. આ સિવાય ઘણા નોકરી કરતા અને બિઝનેસ કરતાં પુરુષો પણ તેમની પત્નીના નામે મ્યુચ્યુઅલ ફંડ SIP માં રોકાણ કરી રહ્યા છે.
જો તમે પણ તમારી પત્નીના નામે SIP દ્વારા મ્યુચ્યુઅલ ફંડમાં રોકાણ કરવાનું આયોજન કરી રહ્યા છો, તો ટેક્સ નિયમોની સ્પષ્ટ સમજ હોવી ખૂબ જ મહત્વપૂર્ણ છે.
મ્યુચ્યુઅલ ફંડ SIP માં રોકાણ કરવાથી મળતા વળતર પર કેપિટલ ગેઇન ટેક્સ ચૂકવવો પડે છે. કેપિટલ ગેઇન ટેક્સ બે રીતે વર્ગીકૃત કરવામાં આવે છે. જો તમે તમારા ઇક્વિટી મ્યુચ્યુઅલ ફંડ યુનિટ વેચો છો અને એક વર્ષની અંદર રૂપિયા ઉપાડો છો, તો તમારે 20 ટકા શોર્ટ ટર્મ કેપિટલ ગેઇન ટેક્સ ચૂકવવો પડશે.
જો તમે એક વર્ષ પછી રૂપિયા ઉપાડો છો, તો તમારે 12.5 ટકા લોન્ગ ટર્મ કેપિટલ ગેઇન ટેક્સ ચૂકવવો પડશે. તમારે તમારા ટેક્સ સ્લેબ અનુસાર ડેટ ફંડ (Debt Fund) પર ટેક્સ ચૂકવવો પડશે. મ્યુચ્યુઅલ ફંડ માટેના ટેક્સના નિયમો પુરુષો અને સ્ત્રીઓ બંને માટે સમાન છે. ટૂંકમાં, જો તમે તમારી પત્નીના નામે SIP શરૂ કરો છો, તો પણ તમારે એક સામાન્ય વ્યક્તિ જેટલો જ ટેક્સ ચૂકવવો પડશે.
Published On - 7:54 pm, Wed, 19 November 25
