BhuMeet : Droneનો ઉપયોગ કરીને ખેતરોમાં જંતુનાશકોનો છંટકાવ, ખેડૂતોને મદદ કરવા માટે નવી સેવા
Drone Spray : હવે તમારે ખેતરોમાં જંતુનાશક દવાનો છંટકાવ કરવા માટે અહીં-તહી ભટકવાની જરૂર નથી. BhuMeet એપ્લિકેશન દ્વારા તમે ઘરે બેઠા ડ્રોન છંટકાવ સેવાનો લાભ લઈ શકો છો. આ એપ ખેડૂતો અને ડ્રોન સર્વિસ આપનારાને જોડે છે. જેથી ખેડૂતો સરળતાથી ડ્રોન દ્વારા તેમના ખેતરોમાં જંતુનાશકોનો છંટકાવ કરી શકે.
ખેડૂતોને ડ્રોન ટેક્નોલોજીનો લાભ મળશે : PDRLના સ્થાપક અને CEO અનિલ ચંદાલીયાએ જણાવ્યું હતું કે, "ખેડૂતો અને વિશ્વસનીય (ડ્રોન) સેવા પ્રદાતાઓ વચ્ચેના અંતરને દૂર કરીને, BhuMeet માત્ર ઓપરેશનલ કાર્યક્ષમતામાં વધારો કરતું નથી પરંતુ ડ્રોન ટેક્નોલોજીની સંપૂર્ણ ક્ષમતાનો ઉપયોગ કરવા માટે ખેડૂત સમુદાયને સશક્ત બનાવે છે." પીડીઆરએલના સ્થાપક અને સીટીઓ વિશાલ ધરણકરે જણાવ્યું હતું કે આ એપ દક્ષિણ ભારત અને ગુજરાતના પસંદગીના વિસ્તારોમાં પાયલોટ પ્રોજેક્ટ તરીકે લોન્ચ કરવામાં આવી છે. 2024ના અંત સુધીમાં સમગ્ર ભારતમાં તેનો વિસ્તાર કરવામાં આવશે.
BhuMeetનો લાભ : ખેડૂતોને BhuMeet એપનો સીધો લાભ મળી શકે છે. આનાથી ખેતરોમાં છંટકાવનો ખર્ચ અને સમય બંને બચશે. આ એપ ડ્રોન ડ્રોન સર્વિસ આપનારા માટે મેનેજમેન્ટને સરળ બનાવે છે. ડ્રોન મેનેજમેન્ટ, ટીમ મેનેજમેન્ટ, સ્ટોર મેનેજમેન્ટ વગેરે જેવી સેવાઓ આ પ્લેટફોર્મ પર ઉપલબ્ધ રહેશે. તેની મદદથી, ડ્રોન દ્વારા છંટકાવ અથવા સર્વેક્ષણ માટેની રિક્વેસ્ટને ટ્રેક કરી શકાય છે.
કંપનીના જણાવ્યા અનુસાર ડ્રોન વડે એક એકર વિસ્તારમાં છંટકાવ કરવાનો સરેરાશ ખર્ચ 500 થી 600 રૂપિયા છે. જો કે ડ્રોન સેવા પૂરી પાડતી કંપની ખેડૂતો માટે ચાર્જ નક્કી કરશે. તે જ સમયે PDRL ડ્રોન સેવા પ્રદાતાઓ પાસેથી એકંદર ટર્નઓવર પર 6.5 ટકા ચાર્જ કરે છે. તમે Google Play Store પરથી BhuMeet એન્ડ્રોઇડ એપ ડાઉનલોડ કરી શકો છો. એપ iOS વર્ઝન ટૂંક સમયમાં લોન્ચ કરવામાં આવશે.
