Paris Olympics 2024: પેરિસમાં ઓસ્ટ્રેલિયન મહિલા પર ગેંગરેપથી હંગામો, ઓલિમ્પિક ખેલાડીઓને ખાસ કપડાં ન પહેરવાની સલાહ
ફ્રાન્સની રાજધાની પેરિસમાં 26મી જુલાઈથી ઓલિમ્પિકની શરૂઆત થઈ રહી છે, પરંતુ તે પહેલા જ આ શહેરની પ્રતિષ્ઠા કલંકિત થઈ ગઈ છે. સમાચાર છે કે પેરિસમાં એક ઓસ્ટ્રેલિયન યુવતી પર ગેંગરેપ થયો છે, આ ઘટના 20 જુલાઈની હોવાનું કહેવાય છે.
પેરિસમાં ટૂંક સમયમાં ઓલિમ્પિક શરૂ થવા જઈ રહ્યું છે. 26મી જુલાઈથી શરૂ થનારી ઓલિમ્પિક ગેમ્સ 11મી ઓગસ્ટ સુધી ચાલશે. પરંતુ ઓલિમ્પિક શરૂ થાય એ પહેલા જ જાણે ફ્રાન્સની પ્રતિષ્ઠાને કલંકિત કરવામાં આવી હોય તેવું લાગી રહ્યું છે. પેરિસમાં એક ઓસ્ટ્રેલિયન મહિલા પર ગેંગરેપ થયો હોવાના સમાચાર છે.
ઓસ્ટ્રેલિયન મહિલા પર સામૂહિક બળાત્કારની આ ઘટના 20 જુલાઈના રોજ બની હતી. મધ્યરાત્રિએ મહિલા પર કેટલાક લોકોએ હુમલો કર્યો હતો અને ત્યારબાદ તેનો ગેંગરેપ કર્યો હતો. ફ્રાન્સની તપાસ એજન્સીઓએ આ કેસની તપાસ શરૂ કરી દીધી છે.
પાંચ લોકો પર મહિલા પર સામૂહિક બળાત્કારનો આરોપ છે. અહેવાલો અનુસાર પીડિત મહિલાએ એક દુકાનમાં આશરો લઈને પોતાનો જીવ બચાવ્યો હતો.
પેરિસ ઓલિમ્પિકને કારણે સમગ્ર ફ્રાન્સ હાઈ એલર્ટ પર છે. પેરિસના મેયરે ખેલાડીઓને એકલા બહાર ન જવાની સલાહ આપી છે અને ટીમનો યુનિફોર્મ ન પહેરવાની પણ સલાહ આપી છે.
ફ્રાન્સે પેરિસ ઓલિમ્પિક માટે 60 હજાર કરોડ રૂપિયાથી વધુનો ખર્ચ કર્યો છે. પરંતુ તેમ છતાં ત્યાંની સુરક્ષા વ્યવસ્થા પર સવાલો ઉઠી રહ્યા છે.
Published On - 3:30 pm, Wed, 24 July 24