Khel Maha kumbh : રમશે ગુજરાત…જીતશે ગુજરાત…, ખેલ મહાકુંભ 3.0 માટે રજિસ્ટ્રેશન શરુ
સ્પોર્ટસ એથોરિટી ઓફ ગુજરાત દ્વારા દર વર્ષની જેમ ચાલુ વર્ષે ખેલ મહાકુંભનું આયોજન કરવામાં આવ્યું છે. ખેલ મહાકુંભ 3.0 માટે રજિસ્ટ્રેશન 5 ડિસેમ્બરથી 25 ડિસેમ્બર 2024 સુધી કરાવી શકો છો.
તમને જણાવી દઈએ કે, જે અભ્યાસ ન કરતા હોય તેવા ખેલાડીઓ જિલ્લાની જિલ્લા રમત પ્રશિક્ષણ કેન્દ્ર પરથી પોતાના વયજુથમાં રજિસ્ટ્રેશન કરાવી શકે છે. 9 વર્ષથી લઈ 60 વર્ષની ઉપરના કોઈ પણ વ્યક્તિ શાળા અને ગ્રામ્યકક્ષાથી થતી સ્પર્ધામાં ભાગ લઈ શકે છે.
તો 11 વર્ષથી નાના અને 50 વર્ષથી ઉપરના ખેલાડીઓ તાલુકાકક્ષાએ રમાતી સ્પર્ધામાં ભાગ લઈ શકે છે. 11 વર્ષથી નીચે અને 60 વર્ષથી ઉપરના વ્યક્તિ જિલ્લાકક્ષાએ રમતી સ્પર્ધામાં ભાગ લઈ શકે છે. અમુક વયજુથ માટે કેટલીક રમત સીધી રાજયકક્ષાએ યોજાતી સ્પર્ધાઓ છે.
45 કરોડ સુધીના ઈનામો જીતવાની તક સાથે અન્ય યોજનાઓનો પણ લાભ મળશે. ખેલ મહાકુંભમાં કુલ 39 રમતો રમાશે. દિવ્યાંગ ખેલાડીઓ માટે પણ સ્પેશિયલ ખેલ મહાકુંભનું આયોજન કરવામાં આવ્યું છે.
જો તમે પણ ખેલમહાકુંભમાં ભાગ લઈ રહ્યા છો. તો સ્પર્ધા સમયે ખેલાડીએ આઘારકાર્ડ, ચૂંટણી કાર્ડ, બોનાફાઈડ અને બેંકની પાસબુકની નકલ સાથે લઈ જવાની રહેશે. તાલુકા, જિલ્લા અને રાજયકક્ષાએ વિજેતા ખેલાડીઓને રોકડપુરસ્કાર પણ આપવામાં આવશે. વિજેતા ખેલાડીઓને કોચને પણ રોકડપુરસ્કાર આપવામાં આવશે. ખેલ મહાકુંભ 3.0 માટે માત્ર 10 દિવસમાં45,00,000થી વધુ રેકોર્ડ બ્રેક રજિસ્ટ્રેશન થવું એ ગુજરાતના રમત-ગમત પ્રત્યેના જુસ્સાનો પુરાવો આપે છે. (all photo : Sports Authority of Gujarat)
