Silver Price Hike: ચાંદીએ તમામ રેકોર્ડ તોડ્યા, MCX પર ભાવ ₹1,95,000નો આંકડો વટાવી ગયો
ચાંદીના ભાવમાં આજે ધમાકેદાર તેજી નોંધાઈ છે. એક જ દિવસમાં બીજી વખત રેકોર્ડ તોડતા ચાંદીનો ભાવ ₹1,95,000ની સપાટી પાર કરી ગઈ છે, જે બજારમાં ભારે ચકચાર પેદા કરે છે.
મોતીલાલ ઓસ્વાલ ફાઇનાન્શિયલ સર્વિસીસના માનવ મોદીના જણાવ્યા મુજબ, અમેરિકન ફેડરલ રિઝર્વની સાવચેતીભરી વ્યાજદર કટોતીની અપેક્ષાએ ચાંદી સ્થાનિક અને COMEX બંને માર્કેટમાં સર્વકાલીન ઊંચાઈએ પહોંચી છે. ફેડે 25 બેસિસ પોઇન્ટની દર કાપ આપી છે પરંતુ આગળ વધુ કાપની સંભાવનાઓ હળવી કરી છે.
IBJAના વાઇસ પ્રેસિડેન્ટ અક્ષા કંબોજે કહ્યું કે વૈશ્વિક ઉત્પાદન સેક્ટરમાં સુધારાની અપેક્ષાઓ વેપારીઓના નવા દાવને મજબૂતી આપે છે, જેના લીધે તેજીનું વલણ વધુ તીવ્ર બન્યું છે.
મોતીલાલ ઓસ્વાલના કોમોડિટી રિસર્ચ હેડ નવીન દમાનીના અનુમાન મુજબ વૈશ્વિક પુરવઠા ખાધના કારણે ચાંદીનો બુલિશ ટ્રેન્ડ લાંબો ચાલશે. 2026ના પ્રારંભિક ત્રિમાસિક ગાળામાં ચાંદી ₹2,00,000 પ્રતિ કિલો સુધી પહોંચી શકે છે અને વર્ષના અંત સુધી ₹2,40,000 પ્રતિ કિલોનો સ્તર પહોંચવાની શક્યતા છે. આંતરરાષ્ટ્રીય બજારમાં ભાવ $75 પ્રતિ ઔંસ સુધી જઈ શકે છે.
