Breaking News : Sovereign Gold Bond ના રોકાણકારો માટે મોટા સમાચાર, મેચ્યોરિટી સિરીઝમાં સતત ઘટાડો, જાણો કારણ?
MCX પર SGB (2029-2031) માં તાજેતરમાં નોંધપાત્ર ઘટાડો જોવા મળ્યો છે, જે ટૂંકા ગાળાના રોકાણકારો માટે ચિંતાજનક છે. આ ઘટાડો આંતરરાષ્ટ્રીય સોનાના ભાવ, વ્યાજ દરોની અનિશ્ચિતતા અને ઓછી લિક્વિડિટીને કારણે છે.
MCX પર ટ્રેડ થતી સોવેરિન ગોલ્ડ બોન્ડ (SGB)ની 2029થી 2031 વચ્ચે પરિપક્વ થનારી સિરીઝમાં તાજેતરમાં નોંધપાત્ર દબાણ જોવા મળ્યું છે. અલગ અલગ સિરીઝમાં આશરે 1 ટકા થી લઈને 5.30 ટકા સુધીનો ઘટાડો નોંધાયો છે. આ ઘટાડાએ ટૂંકા ગાળાના રોકાણકારોમાં થોડી ચિંતા ઉભી કરી છે, જોકે લાંબા ગાળાના દ્રષ્ટિકોણથી સ્થિતિને અલગ રીતે જોવાની જરૂર છે.
નાણાકીય નિષ્ણાતો સૂચવે છે કે લાંબા ગાળાના દ્રષ્ટિકોણ ધરાવતા રોકાણકારો માટે, આ ઘટાડાને તક તરીકે જોઈ શકાય છે. જોકે, ટૂંકા ગાળાના વેપારીઓને સાવધાની રાખવાની સલાહ આપવામાં આવી છે. (ફોટો ક્રેડિટ-સોશિયલ મીડિયા)
ખાસ કરીને 2029થી 2031 વચ્ચે મેચ્યોર થનારી સિરીઝમાં હજુ પણ પરિપક્વતાને સમય બાકી હોવાથી, ટૂંકા ગાળાની વેચવાલીનો અસર ભાવ પર પડી રહી છે. કેટલાક રોકાણકારો નફો બુક કરવા કે અન્ય રોકાણ વિકલ્પોમાં ખસવા માટે વેચાણ કરી રહ્યા છે, જેના કારણે દિવસ દરમિયાન ભાવમાં ઘટાડો જોવા મળી રહ્યો છે.
વિશ્લેષકો માને છે કે આ ઘટાડો મુખ્યત્વે ટૂંકા ગાળાનો કરેક્શન છે અને લાંબા ગાળાના રોકાણકારો માટે ચિંતાનું કારણ નથી. SGBs ની એક મુખ્ય વિશેષતા એ છે કે રોકાણકારોને 2.5% નો નિશ્ચિત વાર્ષિક વ્યાજ દર પણ મળે છે, જે તેમને અન્ય સોનાના રોકાણ વિકલ્પોથી અલગ પાડે છે. (ફોટો ક્રેડિટ-સોશિયલ મીડિયા)
વધુમાં, સેકેંડરી માર્કેટમાં લિક્વિડિટીનો અભાવ પણ એક મુખ્ય ફાળો આપનાર પરિબળ માનવામાં આવે છે. ઘણીવાર, SGBsમાં ઓછા ટ્રેડિંગ વોલ્યુમને કારણે અચાનક ભાવમાં અસ્થિરતા આવે છે, જેના પરિણામે રોકાણકારોને ટૂંકા ગાળાનું નુકસાન થાય છે. (ફોટો ક્રેડિટ-સોશિયલ મીડિયા)
