ઈક્વિટી ફંડ્સમાં ઈન્ફ્લો સતત 35મા મહિને ચાલુ રહ્યો છે. સ્મોલ કેપ ફંડ્સ રોકાણકારો માટે આકર્ષણનું કેન્દ્ર રહ્યા છે. બ્રોકરેજ ફર્મ શેરખાને આ કેટેગરીમાં ટોપ-5 ફંડ પસંદ કર્યા છે, જેણે 1 વર્ષમાં 50% સુધીનું વળતર આપ્યું છે.
રોકાણકારો મ્યુચ્યુઅલ ફંડ દ્વારા શેરબજારમાં ઝડપથી રોકાણ કરી રહ્યા છે. જાન્યુઆરી મહિના માટે AMFI દ્વારા જારી કરાયેલા ડેટા અનુસાર ઇક્વિટી ફંડનો પ્રવાહ 22 મહિનાની ટોચે પહોંચ્યો છે. ઈક્વિટી ફંડ્સમાં કુલ 21780 કરોડ રુપિયાનો પ્રવાહ નોંધાયો હતો. સતત 35મા મહિને ઇક્વિટી કેટેગરીમાં ઇનફ્લો હતો. SIP દ્વારા 18839 કરોડ રુપિયાનું વિક્રમી રોકાણ કરવામાં આવ્યું હતું.
ઇક્વિટી કેટેગરીમાં સ્મોલ કેપ ફંડ્સનો ક્રેઝ હજુ પણ ચાલુ છે. જાન્યુઆરી મહિનામાં સ્મોલ કેપ ફંડ્સમાં કુલ 3257 કરોડ રુપિયાનો ચોખ્ખો પ્રવાહ હતો. સેક્ટરલ ફંડ્સમાં 4805 કરોડ રુપિયાનું મહત્તમ રોકાણ નોંધાયું હતું. લાર્જકેપમાં પણ આકર્ષણ વધ્યું છે અને કુલ 1287 કરોડ રુપિયાનો ચોખ્ખો પ્રવાહ આવ્યો છે.
શેરખાને સ્મોલ કેપ ફંડ કેટેગરીમાં 5 ફંડ પસંદ કર્યા છે. આ બ્રોકરેજની ટોચની ફંડ પિક છે. આ ફંડ્સે છેલ્લા 1 વર્ષમાં 50% સુધી મજબૂત વળતર આપ્યું છે. નિપ્પોન ઇન્ડિયા સ્મોલ કેપ ફંડે એક વર્ષમાં 50% સુધીનું વળતર આપ્યું છે. તેનું NAV 139 રુપિયા અને ફંડનું કદ રૂ. 43816 કરોડ છે.
HSBC સ્મોલ કેપ ફંડે એક વર્ષમાં 45 ટકાથી વધુ વળતર આપ્યું છે. NAV 69 રુપિયા અને ફંડનું કદ 13231 કરોડ રુપિયા છે. HDFC સ્મોલ કેપ ફંડે એક વર્ષમાં 45 ટકાથી વધુ વળતર આપ્યું છે. NAV 116 રુપિયા અને ફંડનું કદ 26837 કરોડ રુપિયા છે.
એડલવાઈસ સ્મોલ કેપ ફંડે એક વર્ષમાં 42 ટકાથી વધુ વળતર આપ્યું છે. NAV 36 રુપિયા અને ફંડનું કદ 3002 કરોડ રુપિયા છે. (નોંધ- ફંડનું કદ અને NAV જાન્યુઆરી 1, 2024 પર આધારિત છે.)
ICICI પ્રુડેન્શિયલ સ્મોલકેપ ફંડે એક વર્ષમાં 38 ટકાથી વધુ વળતર આપ્યું છે. NAV 75 રુપિયા અને ફંડનું કદ 7092 કરોડ રુપિયા છે.(નોંધ-કોઈપણ ફંડમાં રોકાણ કરવાની સલાહ નથી.રોકાણ કરતા પહેલા તમારા સલાહકારની સલાહ લો)