સબકા સપના મની મની : 25ની ઉંમરથી શરુ કરો 2000 રુપિયાની બચત, 60 વર્ષે બની જશો 2 કરોડના માલિક
તમે નાની રકમથી પણ રોકાણ કરવાનું શરૂ કરીને કરોડો રુપિયાના માલિક બની શકો છો. જો તમે સમયાંતરે રકમમાં થોડો-થોડો વધારો કરતા રહેશો, તો થોડા વર્ષોમાં તમે એટલુ મોટુ ફંડ એકત્ર કરી શકશો કે જેની તમે કલ્પના પણ નહીં કરી હોય. અમે તમને જણાવીશું કરોડપતિ બનવાની સુપરહિટ ફોર્મ્યુલા.
જેમ કે તમે 25 વર્ષમાં 2000 રૂપિયાથી SIP શરૂ કરો છો. હવે તમારે દર વર્ષે 5 ટકા રકમ વધારવી પડશે. SIP શરૂ કર્યા પછી તમે એક વર્ષ માટે દર મહિને 2000 રૂપિયાનું રોકાણ કર્યું છે. આવતા વર્ષે તમારે તમારા 2000 રૂપિયાના 5 ટકા એટલે કે માત્ર 100 રૂપિયાનો વધારો કરવો પડશે. આ રીતે તમારે એક વર્ષ માટે 2100 રૂપિયાની SIP ચલાવવાની રહેશે.
આવતા વર્ષે 2100 રુપિયાની રકમમાં 5% એટલે કે 105 રુપિયાનો વધારો કરો અને આખા વર્ષ માટે 2205 રુપિયાની SIP ચલાવો. એ જ રીતે દર વર્ષે તમારે વર્તમાન રકમના 5 ટકા વધારો કરવો પડશે. આ રોકાણ 35 વર્ષ સુધી ચાલુ રહેવાનું છે. 35 વર્ષમાં તમે 60 વર્ષના થશો અને આ રોકાણ દ્વારા એક સારું રિટાયરમેન્ટ ફંડ ઉમેરશો.
ફોર્મ્યુલા મુજબ, જો તમે 35 વર્ષ સુધી રોકાણ કરવાનું ચાલુ રાખો છો, તો SIP કેલ્ક્યુલેટર અનુસાર તમે કુલ 21,67,68 રૂપિયાનું રોકાણ કરશો. SIP પર સરેરાશ વળતર 12 ટકા માનવામાં આવે છે. આવી સ્થિતિમાં, તમને રોકાણ પર માત્ર 1,77,71,532 રૂપિયાનું વ્યાજ મળશે.
આ રીતે, જ્યારે તમે રોકાણ કરેલી રકમ અને વ્યાજની રકમને જોડીને પૈસા મેળવો છો, ત્યારે તે 1,99,39,220 રુપિયા (લગભગ રૂ. 2 કરોડ) થશે. આ રીતે 60 વર્ષની ઉંમરે તમે 2 કરોડ રૂપિયાના માલિક બની જશો.
નોંધ-મ્યુચ્યુઅલ ફંડ શેરબજાર સાથે જોડાયેલુ હોવાથી જોખમને આધીન છે. રોકાણ કરતા પહેલા નિષ્ણાંતોની સલાહ લો.
