સબકા સપના મની મની : આ સ્કીમમાં 31 માર્ચ પહેલા કરો રોકાણ, કેપિટલ ગેઇન પર 1 લાખ રુપિયા સુધી મળશે ટેક્સમાં છુટ
એસેટ મેનેજમેન્ટ કંપની પીજીઆઈએમ ઈન્ડિયા મ્યુચ્યુઅલ ફંડે નવી મલ્ટિકેપ સ્કીમ PGIM ઈન્ડિયા રિટાયરમેન્ટ ફંડ શરૂ કર્યું છે. ફંડ હાઉસે નિવૃત્તિ ફંડ બનાવવાના ઉદ્દેશ્ય સાથે આ યોજના શરૂ કરી છે. આ NFOનું સબસ્ક્રિપ્શન 26મી માર્ચથી ખુલ્યું છે. તે 9 એપ્રિલ 2024 સુધી સબસ્ક્રાઇબ કરી શકાશે. આ એક ઓપન એન્ડેડ ફંડ છે. આ ફંડમાં 5 વર્ષ અથવા નિવૃત્તિની ઉંમરના 60 વર્ષ (જે વહેલું હોય) સુધી લોક-ઇન છે.
ફંડ હાઉસના જણાવ્યા મુજબ, ફાળવણીની તારીખથી 5 કામકાજના દિવસોમાં ફંડ નિયમિત વેચાણ અને પુનઃખરીદી માટે ફરીથી ખોલવામાં આવશે. PGIM ઇન્ડિયા રિટાયરમેન્ટ ફંડ S&P BSE 500 TRI સામે બેન્ચમાર્ક કરવામાં આવશે.
ફંડ હાઉસનું કહેવું છે કે PGIM ઈન્ડિયા રિટાયરમેન્ટ ફંડ સ્કીમમાં ઓછામાં ઓછા 5,000 રુપિયા અને ત્યાર બાદ 1 રુપિયાના ગુણાંકમાં રોકાણ શરૂ કરી શકાય છે. SIP માટે ઓછામાં ઓછા 5 હપ્તા અને ઓછામાં ઓછા 1,000 રુપિયા પ્રતિ હપ્તાનું રોકાણ જરૂરી છે અને ત્યારબાદ કોઈપણ રકમનું 1રુપિયાના ગુણાંકમાં રોકાણ કરી શકાય છે.
ફંડનો હેતુ ઇક્વિટી, ઇક્વિટી સંબંધિત વિકલ્પો, REITs અને InvITs અને ફિક્સ્ડ ઇન્કમ સિક્યોરિટીઝના મિશ્રણમાં રોકાણ કરીને વધુ સારું વળતર પ્રદાન કરીને અને અનુરૂપ આવક પેદા કરીને રોકાણકારોના નિવૃત્તિના ધ્યેયોને પૂર્ણ કરવાનો છે. જો કે, આમાં વળતરની કોઈ ગેરંટી નથી. (નોંધ: અહીં આપેલી માહિતીથી રોકાણની સલાહ આપવામાં આવતી નથી. મ્યુચ્યુઅલ ફંડમાં રોકાણ કરવું બજારના જોખમોને આધીન છે. રોકાણ કરતા પહેલા તમારા સલાહકારની સલાહ લો.)
Published On - 8:56 am, Thu, 28 March 24
