1 શેર પર ₹270ની કમાણી ! ડિવિડન્ડ જાહેર થતાં જ માર્કેટમાં આ કંપનીની ચર્ચા શરૂ, શું તમારી પાસે છે આ સ્ટોક?
ગ્લોબલ માર્કેટની એક મોટી કંપનીએ તેના ત્રિમાસિક પરિણામોની સાથે શેરધારકો માટે બમ્પર ડિવિડન્ડની જાહેરાત કરી છે. કંપનીએ કમાણી અને નફામાં મોટો સુધારો કર્યો છે, જેના લીધે રોકાણકારોને મોટો ફાયદો થવા જઈ રહ્યો છે.
દુનિયાની ગ્લોબલ એન્જિનિયરિંગ અને ટેકનોલોજી કંપની બોશ (Bosch) દ્વારા માર્ચ ક્વાર્ટરના (ત્રિમાસિક) પરિણામો જાહેર કરવામાં આવ્યા છે. કંપનીએ નફા અને કમાણીની સાથે શેરધારકો માટે ડિવિડન્ડની જાહેરાત કરી છે. કંપનીના બોર્ડે નાણાકીય વર્ષ 2025-26 માટે ₹10ની ફેસ વેલ્યુ વાળા દરેક ઇક્વિટી શેર પર ₹270 પ્રતિ શેરના ફાઇનલ ડિવિડન્ડની ભલામણ કરી છે. આ ડિવિડન્ડ શેરધારકોની મંજૂરીને આધીન રહેશે. કંપનીએ જણાવ્યું કે, નાણાકીય વર્ષ 2025-26 માટે કુલ ડિવિડન્ડ ચૂકવણી ₹270 પ્રતિ શેર રહેશે. અગાઉના નાણાકીય વર્ષમાં કંપનીએ ₹512 પ્રતિ શેર ફાઇનલ ડિવિડન્ડ આપ્યું હતું.
જો આગામી એજીએમ (AGM) માં શેરધારકો આ ડિવિડન્ડને મંજૂરી આપે છે, તો તેની ચૂકવણી અથવા ડિસ્પેચ 14 ઓગસ્ટ 2026 કે તેના પછી કરવામાં આવશે. કંપનીએ 74મી વાર્ષિક સામાન્ય સભા એટલે કે AGM બોલાવવાની પણ મંજૂરી આપી દીધી છે. Bosch ની AGM મંગળવાર, 11 ઓગસ્ટ 2026 ના રોજ સવારે 11 વાગ્યે યોજવામાં આવશે.
માર્ચ ક્વાર્ટરમાં Bosch નો કન્સોલિડેટેડ (એકત્રિત) નફો વાર્ષિક ધોરણે ₹554 કરોડથી વધીને ₹569 કરોડ થયો છે. કંપનીની કન્સોલિડેટેડ કમાણી ₹4,911 કરોડથી વધીને ₹5,566 કરોડ રહી છે. ઓપરેટિંગ પ્રદર્શન પણ ઘણું સારું રહ્યું છે. ચોથા ક્વાર્ટરમાં (Q4) કંપનીનું કન્સોલિડેટેડ EBITDA ₹647 કરોડથી વધીને ₹782 કરોડ થઈ ગયું છે. EBITDA માર્જિન પણ 13.2% થી વધીને 14% પર પહોંચી ગયું છે.
કુલ મળીને, Bosch ના Q4 ના પરિણામોમાં કમાણી અને EBITDA માં મજબૂત સુધારો જોવા મળ્યો છે. જો કે, રોકાણકારોનું મુખ્ય ફોકસ કંપનીની ₹270 પ્રતિ શેર ફાઇનલ ડિવિડન્ડની ભલામણ અને AGM પછી ચૂકવણીની સંભવિત તારીખ પર રહેશે.
બોશ લિમિટેડ (Bosch Ltd) ના શેરોમાં મંગળવારે નબળાઈ જોવા મળી હતી. NSE પર શેર ₹36,830 પર બંધ થયો હતો. દિવસ દરમિયાન આ શેરે ₹37,380 નો હાઈ અને ₹36,370 નો લો (Low) બનાવ્યો હતો, જ્યારે તેનો અગાઉનો બંધ ભાવ ₹37,130 હતો. કંપનીનું માર્કેટ કેપ આશરે ₹1.08 લાખ કરોડ રહ્યું અને P/E રેશિયો 39.28 પર જોવા મળ્યો હતો. શેરનો 52-વીક હાઈ ₹41,945 અને 52-વીક લો (Low) ₹28,610 છે. દિવસભરના કારોબારમાં શેરમાં ઉતાર-ચઢાવ જોવા મળ્યો હતો પરંતુ અંતે દબાણ વધવાના કારણે શેર લાલ નિશાનમાં બંધ થયો હતો.
