જતાં પહેલા જોઈ લો ! રાજસ્થાનમાં 29 ટ્રેનોના રૂટ બદલાયા, 4 ટ્રેનો રદ, 2 ટ્રેન આંશિક રીતે રદ
રાજસ્થાનમાં અમદાવાદ તરફ જતી 29 ટ્રેનોના રૂટ બદલવામાં આવ્યા છે. જ્યારે 4 ટ્રેનો રદ કરવામાં આવી છે અને 2 ટ્રેન આંશિક રીતે રદ કરવામાં આવી છે. પશ્ચિમ રેલવેના સ્ટેશનો પર રિપેરિંગ કામ ચાલી રહ્યું હોવાને કારણે આવું કરવામાં આવ્યું છે.
રાજસ્થાનમાં અમદાવાદ તરફ જતી 29 ટ્રેનોના રૂટ બદલવામાં આવ્યા છે. પશ્ચિમ રેલવેના અમદાવાદ ડિવિઝનના મહેસાણા-પાલનપુર વચ્ચે આવેલા ધારેવાડા, છાપી, ઉમરદશી અને પાલનપુર સ્ટેશનો વચ્ચે ટેકનિકલ કામના કારણે બ્લોક લેવામાં આવી રહ્યો છે.
બ્લોકને કારણે અમદાવાદ તરફ જતી ઘણી ટ્રેનોના રૂટ બદલવામાં આવ્યા છે અને ઘણી ટ્રેનો આંશિક રીતે રદ કરવામાં આવી છે. ઉત્તર પશ્ચિમ રેલવેના મુખ્ય જનસંપર્ક અધિકારી કેપ્ટન શશીએ આ માહિતી આપી છે.
બીજી તરફ રેલવે મુસાફરોને આપવામાં આવેલી રાહતના ભાગરૂપે ઘટેલું ભાડું શનિવારથી અમલમાં આવ્યું છે. દિલ્હી-મુંબઈ રૂટ પર સ્થિત ભવાનીમંડીથી અપ અને ડાઉન લાઇન પર 8 ટ્રેનો છે.
આમાં કોટ-ચૌમહલા, કોટા-નાગદા, કોટા-વડોદરા, કોટા-રતલામ પેસેન્જર ટ્રેનો અપ લાઇન પર અને ચૌમહલા-કોટા, રતલામ-કોટા, નાગદા-કોટા, બરોડા-કોટા પેસેન્જર ટ્રેનો ડાઉન લાઇન પર ચાલે છે.
હવે આ ટ્રેનોનું ભાડું અડધુ કરી દેવામાં આવ્યું છે. સ્ટેશન સુપરિન્ટેન્ડેન્ટ ધરમ સિંહ મીનાએ જણાવ્યું કે, નવા આદેશ અનુસાર પેસેન્જર ટ્રેનોનું લઘુત્તમ ભાડું અડધું કરી દેવામાં આવ્યું છે, પરંતુ એક્સપ્રેસ અને સુપરફાસ્ટ ટ્રેનોના ભાડામાં કોઈ ફેરફાર કરવામાં આવશે નહીં.