Kopra Pak Recipe : કોપરા પાક બનાવવા અપનાવો આ ટીપ્સ, બજારની મીઠાઈ ભૂલી જશો, જુઓ તસવીરો
દિવાળીને હવે ગણતરીના દિવસો જ બાકી છે.જ્યાં આપણે અનેક પ્રકારની સ્વાદિષ્ટ મીઠાઈઓ ઘરે બનાવી શકીએ છે.તો આજે આપણે કોપરા પાક ઘરે કેવી રીતે સરળતાથી બનાવી શકાય તે જોઈશું.
કોપરા પાક ઘરે બનાવવા માટે દૂધ, નારિયેળનું છીણ, ખાંડ, મલાઈ અથવા માવો, ઘી, બદામ, કાજુ, કેસર સહિતની સામગ્રીની જરુર પડશે.
સૌથી પહેલા એક પેનમાં દૂધ લો ત્યારબાદમાં તેમાં ખાંડ ઉમેરી ધીમા ગેસ પર થવા દો. આ મિશ્રણને સતત હલાવતા રહો જેથી પેનમાં ચોંટી ન જાય.
ત્યારબાદ તેમાં નારિયેળની છીણ ઉમેરો. જો તમે સૂકા નારિયેળના છીણનો ઉપયોગ કરો તો 10 મીનીટ પહેલા ગરમ દૂધમાં નારિયેળની છીણને પલાળી દો. જેથી છીણ સોફ્ટ થઈ જાય.
હવે આ મિશ્રણને સતત ધીમા ગેસ પર હલાવતા રહો. ત્યારબાદ તેમાં ઈલાયચી, જાયફળનો પાઉડર, માવો, દૂધમાં પલાળેલુ કેસર અથવા બજારમાં મળતો યલો ફૂડ કલર ઉમેરો.મિશ્રણ ઘટ્ટ થાય ત્યાં સુધી થવા દો.
એક પ્લેટમાં ઘી કે બટર લગાવી આ મિશ્રણને પાથરી દો. ત્યારબાદ તેના પર ડ્રાયફ્રુટ પાથરી તેના પર સોનાનો અથવા ચાંદીનો વરક લગાવી શકો છો. કોપરા પાક સેટ થઈ જાય પછી કાપીને સર્વ કરી શકો છો.
Published On - 3:07 pm, Fri, 25 October 24
