મુકેશ અંબાણીને દિવાળી પહેલા મળી મોટી ભેટ, RBIએ Jio પેમેન્ટને આપ્યુ લાયસન્સ
ઉદ્યોગપતિ મુકેશ અંબાણીને દિવાળી પહેલા શાનદાર ભેટ મળી છે. તેમને આ ભેટ રિઝર્વ બેંક ઓફ ઈન્ડિયા (RBI) તરફથી મળી છે. મંગળવારે આરબીઆઈએ જિયો ફાઈનાન્શિયલ સર્વિસિસની પેટાકંપની Jio પેમેન્ટ સોલ્યુશન્સ લિમિટેડને ઓનલાઈન પેમેન્ટ એગ્રીગેટર તરીકે કામ કરવા માટે સંમતિ આપી હતી.
કંપનીને આપવામાં આવેલા આ લાયસન્સની અસર Jio Financial Servicesના શેર પર પણ જોવા મળી છે. મંગળવારે કંપનીના શેરમાં 1.45 ટકા સુધીનો ઉછાળો જોવા મળ્યો હતો અને તે રૂ. 321ની ઉપરના ભાવે ટ્રેડ થઈ રહ્યો છે.
ગયા વર્ષે આરબીઆઈએ પેટીએમ પર નવા ગ્રાહકોને પેટીએમ પેમેન્ટ બેંક સેવા પર ઓનબોર્ડ કરવા પર પ્રતિબંધ મૂક્યો હતો. ત્યારથી પેમેન્ટ બેંક સ્તરે માર્કેટમાં ખાલી જગ્યા પડી છે. Paytm હજુ પણ આ કાર્યવાહીથી ઉદ્ભવતા સંકટનો સામનો કરી રહ્યું છે. આવી સ્થિતિમાં, Jio પાસે હવે ડિજિટલ ફાઇનાન્સ સર્વિસ માર્કેટમાં મોટો હિસ્સો મેળવવાની તક હશે.
Jio Payments Bank એ Jio ફાઇનાન્સિયલ સર્વિસનો એક ભાગ છે. હાલમાં, આ બેંક લોકોને ડિજિટલ બચત ખાતાની સુવિધા પૂરી પાડે છે. આ માટે બાયોમેટ્રિક ઓથેન્ટિકેશનનો ઉપયોગ કરવામાં આવે છે.
લોકોને ભૌતિક ડેબિટ કાર્ડ આપવામાં આવે છે. તેના 15 લાખ સક્રિય ગ્રાહકો છે. Jio Financial Services આવનારા દિવસોમાં સંપૂર્ણ બેંકિંગ સેવા આપવાનો પ્રયાસ કરી રહી છે.
Published On - 1:44 pm, Tue, 29 October 24
