Plant In Pot : પંજાબી, ગુજરાત સહિતની વાનગીઓનો સ્વાદ વધારનારી ડુંગળી ઘરે જ ઉગાડો, જુઓ તસવીરો
ઘરે ગુજરાતી, પંજાબી સહિતની વાનગીઓ બનાવવામાં ડુંગળીનો ઉપયોગ કરવામાં આવે છે. ડુંગળી ખાવાનો તો સ્વાદ વધારે છે. આ સાથે જ તેનું સેવન કરવાથી શરીરમાં અનેક લાભ થાય છે. ડુંગળીનો છોડ ઘરે ઉગાડવો ખૂબ જ સરળ છે.
ડુંગળીના ભાવમાં વધઘટ થતી હોય છે. ત્યારે આવી સ્થિતિમાં તમે ઘરે જ ડુંગળીને ઉગાડી શકો છો. ઘરે કૂંડામાં ડુંગળી ઉગાડવા માટે સૌથી પહેલા એક પહોળુ કૂંડુ લો. કૂંડુ પસંદ કરતા સમયે ધ્યાન રાખો કે તેમાં છિદ્ર હોવુ જોઈએ.
હવે કૂંડામાં સારી ગુણવત્તાની માટી ભરો અને તેમાં છાણિયુ ખાતર અને કોકોપીટ ઉમેરીને બરાબર મિક્સ કરો. ત્યાર બાદ તેમાં પાણી નાખીને માટીને ભીની કરી દો.
ઘરે ડુંગળી ઉગાડવા માટે સારી ગુણવત્તાના બીજ લો. તેને માટીમાં 3-4 ઈંચની ઉંડાઈએ રોપી તેના પર માટી નાખી દો. બીજને થોડાક થોડાક અંતરે રોપો જેથી સરળતાથી ડુંગળી ઉગી શકે.
ડુંગળીનો છોડ ઉગાડેલા કૂંડાને એવી જગ્યાએ રાખો જ્યાં સૂર્યપ્રકાશ અને છાંયડો સમાન પ્રમાણમાં છોડને મળે. જો કે આ છોડને વધારે કાળજીની જરુર નથી.
છોડમાં રોગ ન થાય તે માટે તેમાં જંતુનાશક દવાનો છંટકાવ કરો અથવા લીમડાના તેલનો પણ છંટકાવ કરી શકો છે. હવે થોડાક જ દિવસોમાં ડુંગળી તૈયાર થઈ જશે.(આ માહિતી માત્ર જાણકારી માટે આપવામાં આવે છે.આ અંગે કૃષિ નિષ્ણાતોની સલાહ લેવી )
Published On - 3:26 pm, Thu, 29 August 24