Plant In Pot : કમળ ઘરે ઉગાડવા તળાવની નહીં ટબની જરુરિયાત છે, આ ટીપ્સ અપનાવો, જુઓ તસવીરો
લોકો પોતાના ઘરના બગીચામાં વિવિધ પ્રકારના ફૂલો લગાવે છે. આ ફૂલો ઘરની સુંદરતા વધારવામાં ખૂબ જ મહત્વપૂર્ણ ભૂમિકા ભજવે છે. ઘણા લોકો તેમના બગીચાને તેમના મનપસંદ ફૂલોથી શણગારે છે. જો કે જેમને કમળનું ફૂલ ગમે છે તેઓ તેને ઘરે નથી ઉગાડતા. આ સરળ ટીપ્સથી ઘરે જ કમળ ઉગાડી શકો છો.
માતા લક્ષ્મીનું પ્રિય ફુલ એવા કમળ સૌ કોઈ લોકોને ગમતુ હોય છે. પરંતુ ઘરે આ ફુલ કેવી રીતે ઉગાડાય તેને લઈને અનેક પ્રશ્નો થતા હોય છે. ત્યારે અમે તમને જણાવીશું કે કેવી રીતે કમળને ઘરે ઉગાડી શકાય.
ઘરે કમળ ઉગાડવા માટે સૌથી પહેલા એક ઊંડુ ટબ લો. આ ઉપરાંત નાના કમળના બીજ લો. તેને ઉપરની બાજુથી સફેદ ભાગના દેખાય ત્યાં સુધી ઘસી લો. હવે આ બીજને પાણીમાં પલાળી દો.
કમળ કાકડીને ત્યાં સુધી પાણી પલાળી રાખો. જ્યાં સુધી તેમાંથી અંકુર ફૂટવા ન લાગે. ત્યાર બાદ માટીમાં રેતી, છાણિયુ ખાતર અને જો તળાવની ચીકણી માટી હોય તો બધાને બરાબર મિક્સ કરો.
કમળ ઉગાડવા માટે તૈયાર કરેલી માટીને ભીની કરીને ટબની અંદરના તળિયાના ભાગે બરાબર લગાવી દો. ત્યાર બાદ તેમાં તૈયાર કરેલા બીજને અંદર રોપી તેને પર થોડી રેતી નાખો.
ટબમાં બીજ રોપીને પાણી ભરી દો. પરંતુ ધ્યાન રાખો કે ટબ કે ડોલને સંપૂર્ણ રીતે ન ભરો. ઉપરથી થોડી જગ્યા રહેવા દો. થોડા દિવસના અંતરમાં ટબનું પાણી બદલતુ રહેવુ. હવે થોડા દિવસમાં જ ઘરે કમળનું ફુલ ઉગવા લાગશે.
Published On - 1:09 pm, Sun, 25 August 24