Plant In Pot : વજન ઘટાડવા, exotic વાનગીઓ બનાવવામાં ઉપયોગી બ્રોકલીને ઘરે ઉગાડો, જુઓ તસવીરો
Broccoli : વર્તમાન સમયમાં મોટાભાગના લોકો ઘરે કૂંડામાં જ શાકભાજી, ફૂલ ઉગાડવાનો શોખ ધરાવે છે. પરંતુ કિચન ગાર્ડનિંગ કરતા સમયે એવા exotic છોડ પસંદ કરવા જોઈએ. જેનાથી તમે ઘરે બેઠા જ મોંઘી કિંમતના શાકભાજી અને ફળ મેળવી શકો છો. તો આજે આપણે બ્રોકોલીને કેવી રીતે કૂંડામાં ઉગાડી શકાય તે જોઈશું.
કિચન ગાર્ડનમાં બ્રોકલી ઉગાડવા માટે સૌથી સારો સમય ચોમાસુ અને શિયાળો માનવામાં આવે છે. બ્રોકલી એક વિદેશી શાકભાજી છે. તે દેખાવમાં ફ્લાવર જેવી જ જોવા મળે છે.
બ્રોકલીના ફૂલ કદમાં થોડા મોટા હોય છે. બ્રોકલીના ફૂલો નાના કૂંડામાં યોગ્ય રીતે ઉગી શકતા નથી. બ્રોકલીનો છોડ ઉગાડવા માટે થોડો મોટું કૂંડુ લો.
કૂંડામાં સારી ગુણવત્તાની માટી નાખો. માટીમાં છાણિયુ ખાતર ઉમેરી મિક્સ કરો. ત્યાર બાદ માટીમાં 2-3 ઈંચ ઉંડાઈએ બ્રોકલીના બીજને રોપો.
બ્રોકલીના છોડને તડકો મળે તેવા સ્થળે રાખો. છોડને વધારે પાણી આપવાનું ટોળા. પરંતુ ધ્યાન રાખો કે માટીમાં ભેજનું પ્રમાણ છોડના અનુકૂળ રહે,
છોડને જંતુઓથી બચાવવા માટે જંતુનાશક દવાનો છંટકાવ કરો. તેમજ આ બ્રોકલીના ફૂલ 10 થી 12 દિવસમાં સંપૂર્ણપણે તૈયાર થઈ શકે છે. ( આ માહિતી માત્ર જાણકારી માટે આપવામાં આવે છે. આ અંગે કૃષિ નિષ્ણાતોની સલાહ લેવી )