PF ખાતાધારકોની બલ્લે બલ્લે, દરેક સમસ્યાનો આવશે અંત, અમદાવાદ સહિત આખા દેશમાં યોજાશે કેમ્પ
EPFO દ્વારા "નિધિ આપકે નિકટ કેમ્પ 2.0" શરૂ કરાયો છે, જે 27 નવેમ્બર 2025 ના રોજ દેશભરમાં યોજાશે. આ પહેલ PF ખાતાધારકો, પેન્શનરો અને નોકરીદાતાઓને PF અને EPS સંબંધિત સમસ્યાઓનો સ્થળ પર જ ત્વરિત ઉકેલ પૂરો પાડશે.
PF સભ્યો માટે પેન્શન સંબંધિત નિયમો સમજવા પણ એટલું જ મહત્વનું છે. EPFO ના નિયમો મુજબ, પેન્શન માટે પાત્ર બનવા માટે ઓછામાં ઓછા 10 વર્ષની સતત સેવા અને EPS યોગદાન ફરજિયાત છે. સામાન્ય રીતે પેન્શન 58 વર્ષની ઉંમર પછી શરૂ થાય છે, પરંતુ જો કોઈ કર્મચારી ઇચ્છે તો 50 વર્ષની ઉંમર પછી પણ વહેલી પેન્શનનો વિકલ્પ પસંદ કરી શકે છે, જોકે 58 વર્ષ પહેલાં લેવાયેલી પેન્શન પર કપાત લાગુ થશે. એટલે સમયસર અને યોગ્ય યોજના બનાવવી જરૂરી છે.
તાજેતરમાં પેન્શન ઉપાડ સંબંધિત નિયમોમાં કેટલાક મહત્વપૂર્ણ ફેરફારો પણ કરવામાં આવ્યા છે. અગાઉ જો કોઈ વ્યક્તિ નોકરી છોડી દેતો અને બેરોજગાર રહેતો, તો ટૂંકા સમય બાદ તેને EPS ભંડોળ ઉપાડવાની મંજૂરી હતી. પરંતુ હવે નિયમ કડક બનાવવામાં આવ્યો છે. નવી જોગવાઈ અનુસાર, બેરોજગારોને હવે બે મહિના બાદ EPS ઉપાડવાની પરવાનગી નહીં મળે. તેઓને હવે 36 મહિના અથવા ત્રણ વર્ષ સુધી રાહ જોવી પડશે. સરકારનું માનવું છે કે આ નીતિ કર્મચારીઓની લાંબા ગાળાની નાણાકીય સુરક્ષા જાળવવા માટે જરૂરી છે, જેથી ભવિષ્યમાં પેન્શનના રૂપમાં તેમને મજબૂત આધાર મળી રહે.
એકંદરે કહીએ તો, 27 નવેમ્બર 2025 ના રોજ યોજાનારી EPFO ની “nidhi aapke nikat camp 2.0” શિબિર PF ખાતાધારકો માટે મોટી રાહત સાબિત થશે. જેમને PF અથવા પેન્શન સંબંધિત કોઈ પણ સમસ્યા હોય, તેઓ આ તક ચૂકી ન જાય. આ શિબિર ખાતાધારકોને લાંબા સમયથી અટવાયેલા મુદ્દાઓમાંથી બહાર કાઢશે અને PF સિસ્ટમ પર વધુ વિશ્વાસ વધારશે.
Published On - 5:27 pm, Wed, 26 November 25
