સાવધાન! પેટ્રોલ પંપ પર તમારી નજર ચૂકવી આ રીતે થાય છે લૂંટ, બચવા માટે જાણી લો આ 5 સિક્રેટ ટ્રિક્સ
શું તમને પણ લાગે છે કે પૈસા પૂરા આપવા છતાં ગાડીની ટાંકી જલ્દી ખાલી થઈ જાય છે? | પેટ્રોલ પંપ પર સ્માર્ટ દેખાતા અટેન્ડન્ટ્સ તમારી કઈ ભૂલનો ફાયદો ઉઠાવે છે તે જાણી લો. રાઉન્ડ ફિગરમાં પેટ્રોલ ભરાવવાનું આજથી જ બંધ કરો અને આ 5 સિમ્પલ ટ્રિક્સ અપનાવો જેથી કોઈ તમને ચૂનો ન લગાવી શકે!
જ્યારે પણ તમે વાહનમાં ઇંધણ ભરાવો, ત્યારે તમારું પૂરું ધ્યાન માત્ર મીટર અને પેટ્રોલ નાખનાર અટેન્ડન્ટ પર જ હોવું જોઈએ. ફોન પર વાત કરવી કે આજુબાજુ જોવું તમને મોટું નુકસાન કરાવી શકે છે. જો મીટર સામાન્ય કરતાં વધુ ઝડપથી ભાગી રહ્યું હોય, તો સમજી લેવું કે કંઈક ગરબડ છે.
મોટાભાગના લોકો 100, 200, 500 કે 1000 રૂપિયાનું પેટ્રોલ ભરાવતા હોય છે. પેટ્રોલ પંપના મશીનોમાં આ રાઉન્ડ ફિગરના કોડ પહેલાથી જ સેટ હોવાની આશંકા રહે છે, જેથી તમને ઓછું તેલ મળે. તેના બદલે 101, 204 કે 509 રૂપિયા જેવો 'ઓડ આંકડો' (Odd Amount) પસંદ કરો જેથી છેતરપિંડીની શક્યતા નહિવત થઈ જાય.
પેટ્રોલ પંપની નોઝલ તમારા વાહનની ટાંકીમાં જાય તે પહેલાં ડિજિટલ સ્ક્રીન પર 0.00 ચેક કરવું અનિવાર્ય છે. ઘણી વખત અટેન્ડન્ટ જૂની રીડિંગ પરથી જ પેટ્રોલ નાખવાનું શરૂ કરી દે છે, જેનાથી તમને મોટો આર્થિક ફટકો પડે છે.
પેટ્રોલ આપતી નોઝલ પર એક ખાસ મેન્યુઅલ કંટ્રોલ બટન હોય છે. મશીન ઓટો-કટ હોવા છતાં, કેટલાક અટેન્ડન્ટ્સ વચ્ચે-વચ્ચે આ બટન દબાવીને તેલનો પ્રવાહ રોકે છે. આ નાની ચાલાકીથી લીટર દીઠ થોડું-થોડું પેટ્રોલ બચી જાય છે જે છેલ્લે મોટું કૌભાંડ બને છે.
જો તમારી ગાડી અચાનક ઓછી એવરેજ આપવા લાગે, તો સમજી લેવું કે પેટ્રોલમાં ભેળસેળ હોવાની પૂરેપૂરી સંભાવના છે. ખરાબ ક્વોલિટીનું કે કેમિકલ મિશ્રિત ઇંધણ માત્ર તમારા પૈસા જ નથી ડૂબાડતું, પણ ગાડીના મોંઘા એન્જિનને પણ કાયમ માટે બગાડી નાખે છે.
પેટ્રોલ પંપની મશીનરી અને નોઝલ પર સરકારી વિભાગ (તોલમાપ વિભાગ)ની સીલ હોવી જરૂરી છે. જો આ સીલ તૂટેલી અથવા શંકાસ્પદ લાગે, તો સમજી લો કે મશીન સાથે છેડછાડ કરીને તેની સેટિંગ બદલવામાં આવી છે.
અવારનવાર એવા કિસ્સાઓ સામે આવે છે જ્યાં નોઝલ અથવા મશીનની અંદર નાની મેગ્નેટિક ચિપ્સ કે સેન્સર લગાવી દેવામાં આવે છે. આ ડિજિટલ હેકિંગને કારણે સ્ક્રીન પર આંકડા પૂરા દેખાય છે, પણ ટાંકીમાં પેટ્રોલ ઓછું જાય છે.
ખાનગી કે અવાવરુ જગ્યાએ આવેલા પંપ કરતા હંમેશા હિન્દુસ્તાન પેટ્રોલિયમ, ઇન્ડિયન ઓઇલ કે ભારત પેટ્રોલિયમ જેવા મોટા અને ભરોસાપાત્ર સરકારી પંપ પરથી જ ઇંધણ ભરાવો. અહીં ક્વોલિટી અને કવોન્ટિટી ચેક કરવાના નિયમો ખૂબ કડક હોય છે.
