ICC Champions Trophy: આ શું પાકિસ્તાન ક્રિકેટ ટીમની નવી જર્સી પર ઉડી રહી છે મજાક, જુઓ ફોટો
પાકિસ્તાન ક્રિકેટ ટીમે આઈસીસી ચેમ્પિયન ટ્રોફી માટે પોતાની નવી જર્સી લોન્ચ કરી છે. પરંતુ આ સાથે સોશિયલ મીડિયા પર પાકિસ્તાનની ક્રિકેટ ટીમની ખુબ મજાક ઉડી રહી છે. પાકિસ્તાનની નવી જર્સીને લઈ કહેવામાં આવી રહ્યું છે કે, તેમણે આયરલેન્ડની જર્સીની કોપી કરી છે.
આઈસીસી ચેમ્પિયન ટ્રોફી શરુ થવામાં હવે માત્ર થોડા દિવસનો જ સમય બાકી છે. ટૂર્નામેન્ટ માટે તમામ ટીમો તૈયારીમાં લાગી છે. ટૂર્નામેન્ટની પહેલી મેચ 19 ફેબ્રુઆરીના રોજ પાકિસ્તાન અને ન્યુઝીલેન્ડ વચ્ચે રમાશે.
ત્યારે પાકિસ્તાનની ટીમે ચેમ્પિયન ટ્રોફી માટે પોતાની નવી જર્સી લોન્ચ કરી છે પરંતુ આ સાથે તેની મજાક ઉડવા લાગી છે. સોશિયલ મીડિયા પર ચાહકો પાકિસ્તાનની નવી જર્સીને લઈ કહી રહ્યા છે કે, આ આયરલેન્ડની કોપી છે.
પાકિસ્તાનની આ નવી જર્સીને લઈ ચાહકો પુછી રહ્યા છે કે, શું ખરેખર આ પાકિસ્તાન ક્રિકેટ ટીમની નવી જર્સી છે કે, આયરલેન્ડની. તમને જણાવી દઈએ કે, ચેમ્પિયન ટ્રોફી માટે પાકિસ્તાની ટીમે જે લીલા રંગની જર્સી લોન્ચ કરી છે. તે આયરલેન્ડની ટીમની જર્સી જેવી દેખાય છે. આ કારણે ટીમની મજાક ઉડી રહી છે.
પાકિસ્તાન ક્રિકેટ ટીમની નવી જર્સી ચાહકો પણ ખરીદી શકે છે.પીસીબીએ જર્સીની કિંમત 40 ડોલર રાખી છે. જે ભારતીય રુપિયામાં અંદાજે 3500 રુપિયામાં ખરીદી શકો છો. પાકિસ્તાની રુપિયામાં આની કિંમત 11 હજાર રુપિયા છે.
તમને જણાવી દઈએ કે પાકિસ્તાનની ટીમ ICC ચેમ્પિયન્સ ટ્રોફીની ડિફેન્ડિંગ ચેમ્પિયન છે. પાકિસ્તાને 2017 માં ફાઇનલમાં ભારતને હરાવીને ટાઇટલ જીત્યું હતું. આવી સ્થિતિમાં, યજમાન ટીમને ટાઇટલ બચાવવા માટે મુશ્કેલ પડકારનો સામનો કરવો પડશે. આ ટુર્નામેન્ટ 2017 પછી પહેલી વાર આયોજિત થઈ રહી છે અને તે હાઇબ્રિડ મોડેલ પર રમાશે. કારણ કે ભારતીય ક્રિકેટ ટીમ પાકિસ્તાનમાં એક પણ મેચ નહીં રમે.
