NSE IPO: 3 દિવસમાં ઉચ્ચતમ સ્તરથી 6.25% તૂટ્યો શેર, શોર્ટ ટર્મમાં જોખમના સંકેત, તો લોંગ ટર્મનું રોકાણ સેફ કે અનસેફ?
NSE IPOનું લિસ્ટિંગ 24 સપ્ટેમ્બરે ₹1,800 પર થયું હતું, જ્યારે IPOની ઇશ્યૂ કિંમત ₹1,785 હતી. લિસ્ટિંગના દિવસે શેર ₹1,878 સુધી પહોંચ્યો હતો. જોકે 28 સપ્ટેમ્બરે શેર ઇન્ટ્રાડે ₹1,761 સુધી ઘટ્યો, એટલે તે IPO કિંમતથી પણ નીચે ગયો હતો.
NSEનો IPO આવ્યો, 24 સપ્ટેમ્બરે ₹1,800ના ભાવે લિસ્ટિંગ થઈ અને પહેલા દિવસે ₹1,878 સુધી પહોંચ્યો હતો. લિસ્ટિંગ ગેઇન લગભગ 4%થી 5% રહ્યો. શેરબજારમાં આ શેરને ‘અસલી બાહુબલી’ માનવામાં આવી રહ્યો હતો, પરંતુ IPO જે દિવસે ખુલ્યો તે દિવસે અડધો પણ ભરાયો નહોતો. IPO બંધ થયો ત્યારે તે દિવસે લગભગ 6% સબસ્ક્રાઇબ થયો હતો. હવે સવાલ એ છે કે લિસ્ટિંગના માત્ર 3 દિવસમાં જ ભારતીય શેરબજારના ‘બાહુબલી’ ગણાતા NSEના શેરમાં તેના ઓલ-ટાઇમ હાઈથી 6.25%નો ઘટાડો કેમ આવ્યો?
NSE IPOનું લિસ્ટિંગ 24 સપ્ટેમ્બરે ₹1,800 પર થયું હતું, જ્યારે IPOની ઇશ્યૂ કિંમત ₹1,785 હતી. લિસ્ટિંગના દિવસે શેર ₹1,878 સુધી પહોંચ્યો હતો. જોકે 28 સપ્ટેમ્બરે શેર ઇન્ટ્રાડે ₹1,761 સુધી ઘટ્યો, એટલે તે IPO કિંમતથી પણ નીચે ગયો હતો.
તેના કરતાં પણ વધુ, શોર્ટ ટર્મમાં રોકાણકારોને નુકસાન થવાના સંકેત 25 સપ્ટેમ્બર અને 28 સપ્ટેમ્બરે જોવા મળ્યા.
અહીં ધ્યાન રાખવું જરૂરી છે કે લોંગ ટર્મમાં આ શેરમાં રોકાણકારોને આખરે ફાયદો થઈ શકે છે, પરંતુ શોર્ટ ટર્મમાં રોકાણકારોને નુકસાનના જે સંકેત મળ્યા છે, તે એ છે કે શેરે તેના લિસ્ટિંગ ડેના ઓપન પ્રાઇસના લેવલને સતત 2 દિવસ તોડીને નીચે ટ્રેડ કરી રહ્યું હતુ.
સામાન્ય રીતે એવું માનવામાં આવે છે કે જો કોઈ શેરની કિંમત IPOના લિસ્ટિંગ ડેના ઓપન પ્રાઇસથી નીચે જતી રહે, તો તેમાં થોડા સમય માટે બેરિશ ટ્રેન્ડ શરૂ થઈ શકે છે.
આ પ્રકારની સ્થિતિ આપણે ગયા વર્ષે Hyundaiના IPOમાં પણ જોઈ હતી. NSE જે ભાવે બંધ થયો હતો, તે રેટ પણ અહીં ધ્યાનમાં લેવા જેવો છે.
તો આવી સ્થિતિમાં જે રોકાણકારો NSE IPOમાં અરજી કરવાથી ચૂકી ગયા હતા અથવા જેમણે અરજી કરી નહોતી, તેમના માટે હવે IPOની કિંમત કરતાં પણ નીચેના ભાવે શેરબજારનો ‘બાહુબલી’ ગણાતો આ શેર મળી રહ્યો છે. માર્કેટ ક્લોઝિંગમાં NSE 1.67%ના ઘટાડા સાથે 1762.70 પર બંધ થયો છે.
