એક પણ સફાઈ કર્મચારી નહીં, છેલ્લા 22 વર્ષથી દેશના સૌથી સ્વચ્છ ગામ તરીકે મેળવે છે એવોર્ડ
ભારતનુ સૌથી સ્વચ્છ ગામ કયું એવુ પુછ્યુ હોય તો સ્વાભાવિક છે કે સામે વાળો એકવાર તો માથું ખંજવાળે. શું તમે જાણો છો ભારતનું સૌથી સ્વચ્છ ગામડું કયું. આ ગામમાં એક પણ સફાઈ કામદાર નથી છતા, છેલ્લા 22 વર્ષથી દેશના સૌથી સ્વચ્છ ગામ તરીકેનો એવોર્ડ મેળવી રહ્યું છે.
આ ગામના લોકો કહે છે કે, જ્યારે બાળકોને વાર્તાઓ કહેવામાં આવે છે, ત્યારે તેમને પર્યાવરણનો આદર કરવાનું શીખવવામાં આવે છે અને તેની જવાબદારી સોંપવામાં આવે છે. તેઓએ કહ્યું કે આપણા રિવાજો જંગલ, નદી અને પર્વત સાથે સંબંધિત છે.
આ ગામના લોકોને સ્વચ્છતાની આદત છે, જેને તેઓ લોકકથાઓની ભેટ કહે છે. 2003 થી તેમના ગામની આ જ પરંપરા રહી છે. પહેલા, પ્રવાસીઓ આ ગામની સ્વચ્છતા જોવા આવતા હતા. પરંતુ હવે લોકો સંસ્કૃતિને પણ સમજવા લાગ્યા છે.
આ ગામમાં દર શનિવારે સામૂહિક સફાઈ કરવામાં આવે છે. બાળકો દર શનિવારે શાળાએ જતા પહેલા સામૂહિક સફાઈમાં ભાગ લે છે. આ દરમિયાન, તેમને કહેવામાં આવે છે કે સ્વચ્છતા શા માટે મહત્વપૂર્ણ છે અને તેમના વડીલો વર્ષોથી તે કેવી રીતે કરી રહ્યા છે. આ બધું લોકવાયકા દ્વારા કરવામાં આવે છે.
આ ગામની વસ્તી 516 છે અને 2003 થી, આ ગામમાં પરિવારોની સંખ્યામાં 7 નો વધારો થયો છે. પહેલા ગામમાં ફક્ત એક હોમસ્ટે હતું. હવે 27 હોમસ્ટે છે. અહીં વાંસ અને લાકડાના બનેલા ઘરો છે. આખા ગામમાં વાંસના બનેલા ડસ્ટબિન પણ મૂકવામાં આવ્યા છે.
