વેપારીઓ માટે જરૂરી સમાચાર : UPI નિયમોમાં જાણો ₹3,000, ₹10,000 અને ₹50,000 પર કેટલા રૂપિયા કપાશે
સરકારે UPI પેમેન્ટ્સ પર નવા MDR ચાર્જનું ગણિત સ્પષ્ટ કરી દીધું છે! 15 ઓક્ટોબરથી લાગુ થનારા આ નિયમથી સામાન્ય ગ્રાહકો અને નાના વેપારીઓને સંપૂર્ણ મુક્તિ આપવામાં આવી છે. જો તમારું માસિક કલેક્શન ₹1 લાખથી વધુ છે, તો કેટલો ચાર્જ કપાશે તેની સંપૂર્ણ ગણતરી સરળ શબ્દોમાં અહીં સમજો.
કેન્દ્ર સરકારે યુપીઆઈ (UPI) પેમેન્ટ પર મર્ચન્ટ ડિસ્કાઉન્ટ રેટ (MDR) ચાર્જ લાગુ કરવાની જાહેરાત કરી છે. સરકારી સર્ક્યુલર મુજબ આ નવો નિયમ આગામી 15 ઓક્ટોબરથી દેશભરમાં અસરકારક રીતે લાગુ થઈ જશે.
આ નવા નિર્ણયથી સામાન્ય જનતા કે ગ્રાહકો પર કોઈ જ વધારાનો બોજ નહીં પડે. આ સિવાય નાના વેપારીઓને પણ આમાંથી મુક્ત રાખવામાં આવ્યા છે, જેથી તેમના દૈનિક રોકડ વ્યવહાર પર કોઈ નકારાત્મક અસર ન પડે.
આ ચાર્જ માત્ર તે મોટા કારોબારીઓ કે વેપારીઓ માટે છે જેમનું UPI QR કોડ દ્વારા મહિને ₹1 લાખથી વધુનું ડિજિટલ પેમેન્ટ કલેક્શન થાય છે. તે સિવાયના તમામ વેપારીઓ માટે આ સેવા નિઃશુલ્ક રહેશે.
જો કોઈ ગ્રાહક ₹2,000 સુધીનું ટ્રાન્ઝેક્શન કરે છે, તો વેપારી પાસેથી કોઈપણ પ્રકારનો MDR ચાર્જ લેવામાં નહીં આવે. ₹2,000 થી વધુના પેમેન્ટ કલેક્શન પર 0.4% લેખે MDR લાગશે.
નિયમ મુજબ જો ₹1 લાખથી વધુનું માસિક કલેક્શન ધરાવતો વેપારી ₹2,001 નું પેમેન્ટ મેળવે છે તો તેને ₹8 ચાર્જ આપવો પડશે. તેવી જ રીતે ₹3,000 ના કલેક્શન પર ₹12 નો MDR ચાર્જ લાગશે.
જો નિયમના દાયરામાં આવતા મોટા વેપારીને ₹10,000 નું ટ્રાન્ઝેક્શન પ્રાપ્ત થાય છે, તો 0.4% લેખે તેમના ખાતામાંથી ₹40 નો MDR ચાર્જ કાપવામાં આવશે.
જે વેપારીઓ મોટી રકમનું UPI કલેક્શન મેળવે છે અને તેમને એક સાથે ₹50,000 નું પેમેન્ટ થાય છે, તો તેમની પાસેથી ચાર્જ પેટે ₹200 ની કપાત કરવામાં આવશે.
સરકારે વેપારીઓ માટે એક રાહતની મર્યાદા પણ નક્કી કરી છે. ₹75,000 કે તેથી વધુ ગમે તેટલી મોટી રકમનું પેમેન્ટ કલેક્શન થાય, તો પણ મહત્તમ (Maximum) ₹300 નો જ MDR ચાર્જ લાગશે. સરકારે તેનાથી વધુ ચાર્જ ન વસૂલવાનો નિર્ણય લીધો છે.
