Gold Silver Rate : નવરાત્રીનું બીજું નોરતું રોકાણકારોને ફળ્યું, સોના-ચાંદીના ભાવમાં એક જ દિવસમાં આવ્યો જંગી ઉછાળો
નવરાત્રીની શરૂઆત ખેલૈયાઓની સાથે સાથે રોકાણકારો માટે પણ સારી રહી છે. વાત એમ છે કે, સોના-ચાંદીના ભાવમાં એક જ દિવસમાં જંગી ઉછાળો આવતા રોકાણકારોમાં ખુશીનો પાર રહ્યો નથી.
ચાંદીમાં પણ નોંધપાત્ર ઉછાળો જોવા મળ્યો હતો, જે ₹7,000 વધીને ₹1,50,000 પ્રતિ કિલોગ્રામ થયું હતું. પાછલા સત્રમાં ચાંદી ₹1,43,000 પ્રતિ કિલોગ્રામ પર ટ્રેડ થઈ રહી હતી. સતત ચાર દિવસના વધારાને કારણે ચાંદી તેના અત્યાર સુધીના ઉચ્ચતમ સ્તર પર પહોંચી ગઈ છે.
આંતરરાષ્ટ્રીય બજારમાં સ્પોટ ગોલ્ડ 1 ટકાથી વધુ વધીને $3,791.10 પ્રતિ ઔંસની રેકોર્ડ સપાટીએ પહોંચ્યો હતો. સ્પોટ ચાંદી 0.57 ટકા વધીને $44.32 પ્રતિ ઔંસ પર ટ્રેડ થઈ રહી હતી.
કોમોડિટી વેપારીઓના જણાવ્યા અનુસાર, આ વધારો મુખ્યત્વે મજબૂત વૈશ્વિક બજાર સંકેતોને કારણે થયો હતો, જેમાં રોકાણકારોની માંગમાં વધારો અને ડોલર નબળો પડ્યો હતો. અગાઉ, બુધવારે, ચાંદીના ભાવ ₹139,000 પ્રતિ કિલોગ્રામ પર બંધ થયો હતો. ગુરુવારના વધારા સાથે, રોકાણકારો અને વેપારીઓએ ચાંદીમાં રસ વધાર્યો છે.
MCX સોનાનો ઓક્ટોબર વાયદો લગભગ 2 ટકા વધીને ₹1,14,163 પ્રતિ 10 ગ્રામની રેકોર્ડ સપાટીએ પહોંચ્યો, જ્યારે MCX ચાંદીનો ડિસેમ્બર વાયદો 1 ટકાથી વધુ વધીને ₹1,34,980 પ્રતિ કિલોગ્રામની રેકોર્ડ સપાટીએ પહોંચ્યો.
Published On - 7:34 pm, Tue, 23 September 25
