Hair Cair Tips : વાળને નરમ, ચમકદાર અને સિલ્કી બનાવવા માટે ઘરે બનાવો આ કુદરતી હેર જેલ !
દરેક વ્યક્તિ ઈચ્છે છે કે તેના વાળ નરમ, ચમકદાર અને સિલ્કી હોય. તેના માટે લોકો બજારમાં મળતા શેમ્પૂ, કન્ડિશનર અને હેર માસ્કનો ઉપયોગ કરે છે. પરંતુ આ ઉત્પાદનોમાં રહેલા કેમિકલ્સ લાંબા ગાળે વાળને નુકસાન પહોંચાડી શકે છે.
સિલ્કી વાળ બનાવવા માટે બજારમાં ઘણા શેમ્પૂ, કન્ડિશનર અને હેર માસ્ક ઉપલબ્ધ હોય છે. જો કે તે તેમાં કેમિકલ હોઈ શકે છે અને તેનાથી વાળને નુકસાન થઈ શકે છે. ઘરે બનાવેલા હેર જેલનો ઉપયોગ કરવાથી તમારા વાળ સિલ્કી બની શકે છે. આ તમારા વાળને કુદરતી રીતે સિલ્કી બનાવશે.
જો તમારા ઘરે એલોવેરાનો છોડ હોય તો તેનું જેલ વાળ પર લગાવવાથી તમને નોંધપાત્ર મદદ મળશે. વાળ ધોયા પછી આ જેલ વાળમાં લગાવી 10 મિનિટ સુધી રાખો અને પછી સાદા પાણીથી ધોઈ લો. આ ઉપાય વાળને નરમ અને ચમકદાર બનાવામાં મદદ કરશે.
એક વાસણમાં 1 કપ પાણી લો અને તેમાં 1 ચમચી અળસીના બીજ ઉમેરો. આ મિશ્રણને જેલ જેવું બને ત્યાં સુધી ઉકાળો. ત્યારબાદ તેને થોડું ઠંડુ થવા દો અને તેને ગાળી લો.
શેમ્પૂ કર્યા પછી જ્યારે વાળ થોડા ભીના હોય ત્યારે આ જેલ વાળમાં લગાવો અને 08થી 10 મિનિટ સુધી રહેવા દો. પછી સાદા પાણીથી વાળ ધોઈ લેવા. આ ઉપાયથી વાળ સ્મૂથ અને સિલ્કી થઈ શકે છે.
અળસીના તેલમાં 1 ચમચી એલોવેરા જેલ મિક્સ કરીને પણ વાળમાં લગાવી શકાય છે. આ મિશ્રણ વાળને પૂરતી ભેજ આપી શકે છે અને વાળને સ્વસ્થ બનાવવામાં મદદરૂપ થાય છે.
નોંધ : અહીં આપવામાં આવેલી માહિતી રિપોર્ટ્સ પર આધારિત છે. TV9 ગુજરાતી કોઈપણ પ્રકારની માહિતીને સમર્થન આપતું નથી.
