મુકેશ અંબાણીનું Jio લાવ્યું 98 દિવસ માટે દરરોજ Unlimited 5G ડેટા વાળો નવો પ્લાન, જાણો A ટુ Z વિગતો
રિલાયન્સ Jio એ ફરી એકવાર 999 રૂપિયાનો નવો પ્રીપેડ પ્લાન લોન્ચ કરીને તેના ગ્રાહકોને ચોંકાવી દીધા છે. જો કે અગાઉ પણ કંપની પાસે આ જ કિંમતનો પ્લાન હતો. તેના ભાવ વધાર્યા બાદ હવે નવો પ્લાન લોન્ચ કરવામાં આવ્યો છે.
મુકેશ અંબાણીના Jio નો નવો પ્લાન જેની કિંમત 999 રૂપિયા હતી, પરંતુ વધારા બાદ પ્લાનની કિંમત 1199 રૂપિયા થઈ ગઈ છે. પરંતુ, હવે Jio ફરી એકવાર 999 રૂપિયાનો નવો પ્લાન લઈને આવ્યું છે.
કંપનીએ આ પ્લાનને 'Hero 5G' ટેગ સાથે લોન્ચ કર્યો છે. ચાલો વિગતવાર જાણીએ કે Jioના 999 રૂપિયાના નવા પ્લાનમાં શું ઓફર કરવામાં આવી રહી છે.
Jioનો 999 રૂપિયાનો પ્લાન 98 દિવસની વેલિડિટી સાથે આવે છે. 98 દિવસની વેલિડિટીવાળા આ પ્લાનમાં ગ્રાહકોને અનલિમિટેડ વૉઇસ કૉલિંગ મળે છે. આમાં, દરરોજ 100 SMS અને દૈનિક 2GB ડેટા ઉપલબ્ધ છે. પ્લાનની સંપૂર્ણ માન્યતા દરમિયાન, ગ્રાહકોને કુલ 196GB Unlimited 5G મળે છે.
જો તમારી પાસે 5G ફોન છે અને Jioનું 5G નેટવર્ક તમારા વિસ્તારમાં ઉપલબ્ધ છે, તો તમે આ પ્લાનની મદદથી મફતમાં Unlimited 5G ડેટાનો લાભ મેળવી શકો છો.
તે જ સમયે, આ પ્લાનમાં Jio TV, Jio Cloud અને Jio સિનેમાની ઍક્સેસ પણ સામેલ છે. 2GB દૈનિક મર્યાદા સમાપ્ત થયા પછી, ઇન્ટરનેટની ઝડપ ઘટીને 64 Kbps થઈ જશે.