Mother’s Day Special : મધર્સ ડે પર મમ્મીને આપો ફાઇનાન્સિયલ ગિફ્ટ પેક !
Mother's Day 2025 : મધર્સ ડે આવે છે અને એવામાં ઘણા છોકરાઓ કે છોકરીઓ તેમની મમ્મીને કઇંકને કઇંક ગિફ્ટ આપશે. કોઈ સાડી આપશે તો કોઈ કેક કાપશે કાં તો પછી કોઈ મમ્મીને ફરવા લઈ જશે. જો કે, આ બધી વસ્તુઓ વર્તમાન સુધી જ સીમિત છે પણ તમે કદી એવું વિચાર્યું કે, મમ્મીને એવી તો કઈ ગિફ્ટ આપું કે જે તેનું ભવિષ્ય સુરક્ષિત રાખે?
નેશનલ સેવિંગ સર્ટિફિકેટ: નેશનલ સેવિંગ સર્ટિફિકેટ (NSC) પણ એક સરસ ફાઇનાન્સિયલ ભેટ હોઈ શકે છે. તમે ફક્ત ₹1000 થી રોકાણ શરૂ કરી શકો છો અને 5 વર્ષમાં તો આ રોકાણ તમને વ્યાજ સહિત પાછું મળશે. જો તમે તમારી માતાના નામે તેમાં પૈસા ઇન્વેસ્ટ કરો છો તો તેમને સારા વ્યાજ સાથે સારું ફંડ મળશે. કારણ કે, હાલમાં આ યોજના પર વ્યાજ દર 7.7% છે.
SCSS (સિનિયર સિટીઝન સ્કીમ): આ એક ગવર્મેન્ટ યોજના છે. જો મમ્મીની ઉંમર 60 વર્ષની આસપાસ હોય અથવા 60 વર્ષથી વધુની હોય તો SCSS યોજના તેમના માટે એક સરસ ભેટ છે. આ યોજનાનું એકાઉન્ટ તમે બેંક અથવા પોસ્ટ ઓફિસમાં જઈને સરળતાથી ખોલાવી શકો છો. આ યોજનામાં તમને રેગ્યુલર ગેરંટીડ ઇનકમ અને ટેક્સ બેનિફિટ પણ મળે છે. હવે વિચારો કે, જ્યારે દર ત્રણ મહિને મમ્મીના ખાતામાં પૈસા આવશે ત્યારે તે કેટલી આત્મનિર્ભર લાગશે.
હેલ્થ ઈન્સ્યોરન્સ: તમે 'મધર્સ ડે' પર તમારી મમ્મીને હેલ્થ ઈન્સ્યોરન્સની ભેટ આપી શકો છો. આ એક એવું હેલ્થ ઈન્સ્યોરન્સ છે, જે ખાસ કરીને સિનિયર સિટીઝન્સની જરૂરિયાતોને આવરી લે છે. વૃદ્ધાવસ્થાને ધ્યાનમાં રાખતા મમ્મી માટે સૌથી મોટી ચિંતા તેના સ્વાસ્થ્યની અને તબીબી ખર્ચની હોય છે. આ પોલિસી તેને મોંઘા હોસ્પિટલ બિલથી બચાવશે. આ કોઈ પોલિસી નથી પણ મમ્મી માટે એક 'સ્વાસ્થ્ય સુરક્ષા કવચ' છે.
