Stock Market: સરકારી કંપનીને મળ્યો મોટો ઓર્ડર, માર્કેટ ખુલતાં જ રોકાણકારો આ શેર પાછળ ભાગશે
જે કંપનીના શેરમાં છેલ્લા 5 વર્ષમાં 586 ટકાનો ઉછાળો આવ્યો છે, તે જ સરકારી કંપનીને હાલમાં મોટો ઓર્ડર મળ્યો છે. હવે સોમવારે બજાર ખુલતાની સાથે જ સ્ટોકમાં એક્શન જોવા મળી શકે છે.
સરકારી માલિકીની કંપની BEML લિમિટેડે જણાવ્યું હતું કે, તેને લગભગ $6.23 મિલિયનના બે અલગ-અલગ નિકાસ ઓર્ડર મળ્યા છે. એક ઓર્ડર કોમનવેલ્થ ઓફ ઇન્ડિપેન્ડન્ટ સ્ટેટ્સ (CIS) ક્ષેત્રમાંથી હેવી-ડ્યુટી બુલડોઝરના સપ્લાય માટેનો છે, જ્યારે બીજો ઓર્ડર ઉઝબેકિસ્તાનમાંથી હેવી-પર્ફોર્મન્સ મોટર ગ્રેડર્સના સપ્લાય માટેનો છે.
શુક્રવારે NSE પર BEMLનો શેર 1.73 ટકા વધીને રૂ. 4,530 પર બંધ થયો હતો. જણાવી દઈએ કે, છેલ્લા 5 દિવસમાં સ્ટોક 1.89 ટકા વધ્યો છે. વધુમાં જોઈએ તો, કંપનીનો શેર 1 મહિનામાં 2.14 ટકા, 6 મહિનામાં 16.24 ટકા અને આ વર્ષે અત્યાર સુધીમાં 9.94 ટકા વધ્યો છે.
હવે જો આપણે છેલ્લા 5 વર્ષ પર નજર કરીએ તો કંપનીના શેરમાં 586.26 ટકાનો મજબૂત ઉછાળો જોવા મળ્યો છે. BEML એ 31 માર્ચ, 2025 ના રોજ પૂરા થયેલા ત્રિમાસિક ગાળામાં રૂ. 287.5 કરોડનો ચોખ્ખો નફો નોંધાવ્યો હતો, જે ગયા વર્ષના સમાન સમયગાળામાં રૂ. 257 કરોડ જેટલો હતો.
વાર્ષિક ધોરણે આવક 9.1 ટકા વધીને રૂ. 1,652.5 કરોડ થઈ ગઈ છે, જે નાણાકીય વર્ષ 2024 ના ચોથા ત્રિમાસિક ગાળામાં રૂ. 1,514 કરોડ જેટલી હતી. સરળ રીતે સમજીએ તો, કંપનીને તમામ ક્ષેત્રોમાં સારા પ્રદર્શન દ્વારા ટેકો મળ્યો છે.
કંપનીનો EBITDA રૂ. 422.6 કરોડ રહ્યો છે, જે એક વર્ષ પહેલા રૂ. 371 કરોડનો હતો. ઓપરેટિંગ માર્જિન પાછલા નાણાકીય વર્ષના સમાન ત્રિમાસિક ગાળામાં 24.5 ટકાથી વધીને 25.57 ટકા જેટલું થયું છે. માર્જિનમાં થયેલ સારો વધારો ખર્ચ નિયંત્રણને વધુ સારા બનાવે છે.
BEML નું મુખ્ય મથક બેંગલુરુમાં છે. ભારત અર્થ મૂવર્સ લિમિટેડ (BEML) એ અર્થમૂવિંગ, રેલ, ટ્રાન્સપોર્ટ અને માઇનિંગના સાધનો બનાવતી એક અગ્રણી કંપની છે.
