Gold Silver Rate: ‘ઓલ ટાઈમ હાઈ’! સોનાનું તગડું કમબેક અને ચાંદીએ તો લાંબી છલાંગ મારી
મંગળવારે બજારમાં સોના અને ચાંદીના ભાવમાં મોટો ઉછાળો જોવા મળ્યો હતો. અમેરિકા-ભારત ટેરિફ વિવાદને વચ્ચે રોકાણકારોએ સુરક્ષિત રોકાણ તરીકે સોનાને પસંદ કર્યું છે.
HDFC સિક્યોરિટીઝના સિનિયર એનાલિસ્ટ સોમિલ ગાંધીએ જણાવ્યું હતું કે, ડોનાલ્ડ ટ્રમ્પ દ્વારા ફેડરલ રિઝર્વ ગવર્નર લિસા કૂકને દૂર કરવાના નિર્ણય પછી રોકાણકારોની કેન્દ્રીય બેંકની સ્વતંત્રતા અંગે ચિંતા વધી ગઈ છે.
સ્થાનિક બજારોમાં નબળાઈ અને ભારત પર વધારાના 25 ટકા ટેરિફ લાદવાની નવી જાહેરાતને કારણે મંગળવારે રૂપિયો પણ ઘટ્યો હતો. રૂપિયો 12 પૈસા ઘટીને 87.68 પ્રતિ ડોલર પર બંધ થયો હતો.
ન્યૂ યોર્કમાં સ્પોટ ગોલ્ડ 0.37 ટકા વધીને 3,378.37 યુએસ ડોલર પ્રતિ ઔંસ પર ટ્રેડ થઈ રહ્યું છે. જો કે, સ્પોટ સિલ્વર 0.21 ટકા ઘટીને US$38.48 પ્રતિ ઔંસ પર ટ્રેડ થઈ રહ્યું છે.
અહેવાલો અનુસાર, ચીન અને તુર્કી જેવા દેશો સતત સોનાના ભંડારમાં વધારો કરી રહ્યા છે. આનાથી સોનાના ભાવને પણ ટેકો મળી રહ્યો છે. હવે રોકાણકારો અમેરિકાના મહત્વપૂર્ણ આર્થિક ડેટા પર નજર રાખશે, જે ફેડરલ રિઝર્વના આગામી વ્યાજ દરની દિશા નક્કી કરી શકે છે.
