મોટાભાગના લોકોને કાજુ કતરી ખૂબ જ પસંદ હોય છે. આ મોંઘી દાટ કાજુ કતરી ઘરે બનાવવા માટે કાજુ, ખાંડ, એલચીનો પાઉડર, પાણી અને ઘી સહિતની સામગ્રી જરુર પડશે.
સૌથી પહેલા કાજુને પીસી લો. ધ્યાન રાખો કે પાવડર વધારે ઝીણો ન થાય નહીંતર પાવડરમાં ચીકાસ થઈ જશે.
હવે એક કડાઈમાં મધ્યમ આંચ પર ખાંડ અને પાણીને ઉકાળો. જ્યાં ખાંડ ઓગળી જાય ત્યાં સુધી તેને સતત ચમચાથી હલાવતા રહો.
ચાસણી બનાવતા ધ્યાન રાખો કે ચાસણી વધારે કડક ન થઈ જાય. હવે ગેસની આંચ ધીમી કરી તેમાં કાજુનો પાવડર અને ઈલાયચીનો પાવડર ઉમેરી બરાબર મિક્સ કરી દો.
હવે જ્યાં સુધી મિશ્રણ ઘટ્ટ ન થઈ જાય ત્યાં સુધી તેને સતત હલાવતા રહો નહીંતર મિશ્રણમાં ગઠ્ઠા પડવાની શક્યતામાં વધારો થશે. ગેસ બંધ કરી મિશ્રણને 3-4 મીનીટ ઠંડુ થવા દો.
મિશ્રણ ઠંડુ થઈ જાય ત્યારે તેને વેલણની મદદથી વણી લો. જો મિશ્રણ સૂકું થઈ જાય તો દૂધના થોડા ટીપા નાખીને વણી શકો છો.
હવે કાજુ કતરીને યોગ્ય આકારમાં કાપીને સર્વ કરી શકો. આ સાથે જ તમે દિવાળી પર ગિફ્ટ આપી શકો છો. (Pic - GettyImages, unsplash)