LPG થી લોન EMI સુધી, ડિસેમ્બર 2025 માં તમારા ખિસ્સા પર અસર કરનારા મોટા ફેરફારો વિશે તમે નહીં જાણતા હોવ
ડિસેમ્બર 2025 થી અનેક નાણાકીય નિયમો બદલાશે, જે તમારા માસિક બજેટને સીધી અસર કરશે. LPG અને ATF ભાવમાં ફેરફાર, 18 બેંક રજાઓ, લોન EMI ઘટવાની શક્યતા, H-1B વિઝા અને ભારત-અમેરિકા ટેરિફ કરાર અપડેટ્સ મુખ્ય છે.
શું લોન EMI માં ફેરફાર થશે? : RBI ની મોનેટરી પોલિસી કમિટી (MPC) ની બેઠક 3 થી 5 ડિસેમ્બર વચ્ચે યોજાશે. આ બેઠકમાં રેપો રેટમાં 25 બેસિસ પોઈન્ટની ઘટાડાની શક્યતા છે, જે 5.5% પરથી 5.25% થઈ શકે છે. જો રેપો રેટ ઘટશે, તો હોમ લોન, કાર લોન અને પર્સનલ લોનની EMI ઘટવાની પૂરી શક્યતા છે.
H-1B વિઝા પર અપડેટની વાત કરવામાં આવે તો યુએસ ડિપાર્ટમેન્ટ ઓફ સ્ટેટે ડિસેમ્બર 2025 US Visa Bulletin જાહેર કર્યું છે. આમાં રોજગાર આધારિત ઇમિગ્રન્ટ વિઝાની Final Action Dates અને Dates for Filing સંબંધિત અપડેટ્સ પ્રકાશિત થયા છે, ખાસ કરીને ભારત માટે પ્રોસેસિંગ પ્રગતિ દર્શાવવામાં આવી છે.
ભારત-અમેરિકા ટેરિફ કરારમાં મોટી અપડેટ સામે આવી છે. વાણિજ્ય સચિવ રાજેશ અગ્રવાલના જણાવ્યા મુજબ, ભારત ડિસેમ્બર અંત સુધી અમેરિકા સાથે પારસ્પરિક ટેરિફ ફ્રેમવર્ક કરારને અંતિમ સ્વરૂપ આપવાની તૈયારીમાં છે. આ પગલું બે દેશો વચ્ચેના વ્યાપારિક તણાવને ઘટાડીને ભવિષ્યના દ્વિપક્ષીય વેપારને મજબૂત બનાવશે.
પેન્શનરો અને TDS માટે મહત્વપૂર્ણ છેલ્લી તારીખ જેમાં NPS થી UPS માં ટ્રાન્સફર કરવાની અંતિમ તારીખ 30 નવેમ્બર, પેન્શનરો માટે જીવન પ્રમાણપત્ર સબમિટ કરવાની અંતિમ તારીખ, 30 નવેમ્બર (બેંક અથવા પોસ્ટ ઓફિસમાં ડિજિટલ અથવા ભૌતિક), TDS ફાઇલ કરવાની અંતિમ તારીખ 30 નવેમ્બર (કલમ 194-IA, 194-IB, 194M અને 194S હેઠળ ઓક્ટોબરમાં થયેલા હાઈ-વેલ્યુ ટ્રાન્ઝેક્શન્સ માટે) સમયમર્યાદા ચૂકી જવાથી આવકવેરા વિભાગ તરફથી દંડ અથવા નોટિસ આવેલી શકે છે.
